Mga eskwelahan ipa-disinfect una ipagamit
CEBU, Philippines — Ang mga tulunghaan nga gihimong Barangay Isolation Center (BIC) kinanglan una kini nga i-disinfect sa dili pa gamiton.
Kini ang gibutyag sa regional director sa Department of Education (DepEd)-7 Salustiano Jimenez.
Matud ni Jimenez nga sa dili pa gamiton ang mga eskwelahan sigurohon una nga i-disinfect kini ilabi na kadtong gigamit karon nga isolation ug quarantine center aron andam unya kini sa pagbalik sa mga tinun-an.
Gawas sa pag-disinfect nisugyot usab si Jimenez ngadto sa mga lokal nga kagamhanan nga ang ilang pundo alang sa special education igahin sa pagpalit sa mga reusable facemask alang sa mga tinun-an ug mga magtutudlo, mga sanitizer, thermal gun ug ubang gamit pagpakigbatok sa covid-19.
Dugang ni Jimenez nga giandam karon sa mga magtutodlo ug mga kadagkoan sa DepEd ang mga self-learning kits, lesson guide materials ug uban pa. /BDB (BANATNEWS)
- Latest
