Palace of Justice sa Talisay gisirad-an kay gwardya napositibo
Palace of Justice sa Talisay nag-lockdown
CEBU, Philippines — Nag-lockdown ang Palace of Justice sa Dakbayan sa Talisay sugod niadtong Miyerkules human ilang nahibaw-an nga usa sa ilang kawani nagpositibo sa coronavirus (COVID-19).
Si City Prosecutor Marshall Rubia nagkanayon nga ang ilang kawani nga nagpositibo asymptomatic ra ug nagpuyo kini sa Siyudad sa Sugbo. Asoy pa niya nga gi isolate na ang maong kawani nga usa ka gwardiya didto sa Syudad sa Sugbo.
Gisugdan nila sa pagsira ang ilang buhatan niadtong Miyerkules human nahibaw-an nila ang balita sa ilang kawani.
Gipanglantawan ni Rubia nga usa ngadto sa duha ka semana sila nga mag-lockdown ang ilang buhatan. Ang mga uwahing nakauban sa maong gwardiya gipaubos nasab sa quarantine ingon man swab test.
Kagahapon gibalhin na sila sa tunghaan nga maoy ilang gihimo nga quarantine facility. Nanghinaot lang si Rubia nga makarekuber ilang kawani samtang magnegatibo ang ilang uban nga kauban sa virus. /IBM (BANATNEWS)
- Latest