Dizon: Project Balik Buhay sa Sugbo maayong lakang batok COVID-19
Rowena D.Capistrano (Banat) - May 10, 2020 - 12:00am

CEBU, Philippines — Pagpahigayon sa rapid test gikinahanglan kaayo aron mabatukan ang sakit nga Covid-19 nga giatubang dili lang sa Sugbo apan tibuok nasud sumala pa sa usa ka opisyal sa nasudnong kagamhanan nga niduaw dinhi sa Sugbo.

Si Deputy Chief implementer of the government’s coronavirus response, Inter-Agency Task Force on Emerging Infectious Disease Sec. Vince Dizon nakigtigom uban nilang Sec. Michael Dino sa Office of the Presidential Assistance for the Visayas, Governor Gwendolyn Garcia, Mayor Edgardo Labella, Mayor Jonas Cortes, DOH-7 Regional Director Dr. Jaime Bernadas ug uban mga opisyal sa nagkadaiyang ahensya sa lokal nga mga ahensya sa gobiyerno kagahapon.

Matud pa ni Dizon, importante kaayo ang testing hinungdan dili angay mahadlok ang tawo nga masayod kun siya positibo sa virus kay aron siya matambalan ug importante usab masayran unsa kalapad na ang nahugpaan sa maong virus diha sa komunidad.

Dugang pa ni Dizon nga dili sayon ang pakigbatuk sa maong sakit karon, gani wa pay nasud nga makapangangkon aduna na silay epektibong pamaagi sa pagsulbad niini.

Giawhag niya ang tanan nga maghiusa pag-atubang sa maong problema kay dili kini makaya sa mga opisyal lang sa gobiyerno kundili motabang ang pribadong sektor ug ang publiko.

Masaligon si Dizon nga mapakgang kining maong sakit kung ang tanan magtinabangay mao nga dako iyang pasalamat nga ang Cebu nangusog aning Project Balik Buhay nga gipasiugdahan sa OPAV uban sa mga LGUs sa tulo ka dakbayan.

Matud niya, maayong sundon usab sa ubang mga probinsya ang gihimo dinhi sa Sugbo.

Si Sec. Dino sa iyang bahin malaumon nga magmalamposon ang ilang mga gihimo nga kalihukan bisan pa man og gamay ra kaayo ang misanong sa panawagan nga magpa test. /IBM (BANATNEWS)

PROJECT BALIK BUHAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with