City Hall nihatag og ayuda sa Brgy Luz
Decemay P. Padilla (Banat) - April 21, 2020 - 12:00am

CEBU, Philippines — Nanghatag ang kagamhanan sa Siyudad sa Sugbo og ayuda sa mga residente sa Barrio Luz ilabi na sa Sitio Zapatera nga gipaubos sa total lockdown tungod sa daghang nagpositibo sa coronavirus disease.

Kahinumduman nga unang gi-lockdown ang Sitio Zapatera tungod sa daghang kaso nila sa COVID-19 apan gumikan kay nagkasaka ang ihap sa kaso sa dapit, ang kagamhanan sa siyudad nideklarar og total lockdown sa Barangay Luz.

Nagpadala og 500 ka sakong bugas ang siyudad ngadto sa Sitio Zapatera sa maong barangay.

Kagahapon sab ang siyudad nagpadala sa maong lugar og 15,000 ka litros nga tubig nga pwede mainom sa mga residente.

Gawas niini, dunay mga utanon, prutas, buwad nga isda ug uban pa ang gipadala sa maong sitio.

Samtang sigun ni Mayor Edgardo Labella nga gumikan kay nagpadayon man ang mass testing sa siyudad, niumol sila og barangay isolation centers diin kun dunay makit-an nga positibo duna nay mga eskwelahan nga giila nga isolation center.

“Niadtong adlaw’ng Sabado nagkauyunan na sa City Health, Department of Health, sa barangay officials, sa kapolisan sa atong gitawag og barangay isolation centers, kanang makit-an nga positibo pero asymptomatic but they will be constantly monitored by the City Health doctors,” sigun ni Labella.

Mahitungod sa quarantine centers sa siyudad, matud ni Labella nga ang Bayanihan Sacred Heart Center magsugod og panawat og referrals karong adlawa. Anha ibutang ang mga positibo nga makitaan og mild symptoms apan kun makita nga kinahanglan dad-on sa hospital ibalhin kini.

Matud sab niini nga syento porsyento na nga kompleto ang NRA facility ug maablihan na sab kini niining semanaha diin 200 ka pasyente ang pwedeng mabutang sa maong pasilidad.

Samtang ang International Eucharistic Congress gisige na sab og trabaho ug makompleto na sunod semana diin 200 sab ka pasyente ang pwede ibutang. /GMR (BANATNEWS)

CITY HALL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with