COVID19 update: Pito lang nagpositibo sa Cebu
Malapason … Miabot og kapin usa ka libo ka tawo ang gidakop human nakalapas sa enhanced community quarantine nga gipatuman sa Cebu City nunot sa coronavirus pandemic.
Joy Torrejos
COVID19 update: Pito lang nagpositibo sa Cebu
Alicia Ivy L. Chua (Banat) - April 19, 2020 - 12:00am

CEBU, Philippines — Dunay nadugang nga pito ka mga bag-ong positibo sa coronavirus sa tibuok Sugbo kagahapon, Abril 18, nga nakahatag og gamay nga kahupayan sa mga residente human sa sagunson nga mga adlaw nga daghan ang nagpositibo sa maong sakit.

Sa pito nga napositibo, ang duha gikan sa Cebu City, duha sa Lapu-Lapu City ug tulo sa Mandaue City. Ang duha sa Cebu City gikan sa Barangays Luz ug sa Hipodromo.  Sa Brgy. Luz nahimutang ang Sitio Zapatera diin nagpositibo ang 82 ka mga residente niadtong Abril 17, samtang labing una kining kaso sa Hipodromo.

Samtang ang usa ka pasyente gikan sa Mandaue City gikan sa Barangay Cambaro  samtang sa Barangay Casuntingan ang usa.  Ang taga Cambaro nag-edad og 70 samtang sa Casuntingan nag-edad og 66 ug 68 anyos nga managkabanay ug paryente sab sa usa nga kasamtangang giatiman karon sa Chong Hua Hospital sa Cebu City.

“The City Health Office and the CDRRMO has already disinfected and cordoned off the areas involved and has instructed the family members to undergo strict home quarantine,” sumala pa sa pamahayag.

Wa pa sa gisulti kun taga asa nga barangay ang sa Lapu-Lapu City. Ang pito nga nadugang gikan kini sa 220 swab samples sa tibuok Sugbo nga gipaubos sa test. Base sa talaan kagahapong adlawa, ang Cebu City aduna nay 163 positibo diin ang 13 niini naayo na.  

Unom sa Mandaue City diin duha sab ang naayo samtang napulo sa Lapu-Lapu City  ug usa ang naayo.  Ang Cebu Province dunay tulo ug duha niini naayo na.

TVP pass gi-revoke

Samtang gi-revoke sab ni Gob. Gwendolyn Garcia ang tanang transit vehicle passes (TVPs) nga exempted unta makasulod ug gawas sa Cebu City padung sa kalungsoran sa probinsya subay sa bag-ong memorandum niyang gipagawas aron paghugtan pa ang boarder control nunot sa hulga gihapon sa coronavirus (COVID-19).

Ang memorandum gihatag na ngadto sa Cebu Provincial Police Office (CPPO) ug sa mga mayor. Sa bag-ong memorandum, kadto lang dunay limitasyon kanus-a kutob ang wala girebukar.

Kadtong buot mo-apply pagbalik hatagan lang og tagsa ka adlaw nga TVP kun makita nga balido ang ilang rason sa pagbiyahe. Ang TVP usa ka pass gikan sa Kapitolyo aron makasud-gawas ang sakyanan sa Cebu City padung sa bisan asang lungsod sa probinsya.

Pekeng special pass

Gibutyag sab ni Garcia nga dunay nasakpang mga indibidwal nga nagtrabho sa business process outsourcing (BPO) industry sa Cebu City nga giingong nigamit og pekeng special border passes nga para lang sa skeletal forces sa mga ahensiya sa gobiyerno ug sa mga sakop sa media.

Ang tinuod nga passes giimprinta apil ang pangalan sa nagdala ug dili sinuwat sa kamot. Ang mga nasakpan pasakaan og kaso. Sa gihapon, exempted ang mga delivery vans, cargo trucks , ambulansiya apan inspeksyonon sa checkpoint.

Kinahanglang magdala og identification cards (IDs) aron pagtino kun apil sa exceptions sa Executive Order No. 5-O ang mga sakay niini aron dili makalusot ang taga Cebu City padung sa kalungsoran.Caecent N. Magsumbol ug Lorraine L. Ecarma, The Freeman/IBM (BANATNEWS)

COVID19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with