Archdiocese of Cebu ug Bradford nitanyag og kapuy-an sa frontliners
CEBU, Philippines — Gibutyag ni Cebu City Councilor Dave Tumulak nga ang Bradford United Church of Christ ug ang Abtanan sa Kaluoy sa Archdiocese of Cebu nitanyag og libreng pagpapuyo sa mga frontliner.
Lakip niini ang mga medical personnel ug uban pa nga maoy nitabang sa pakigbatok sa coronavirus disease (covid-19).
Si Tumulak nagkanayon nga mangita sila og dugang kapoy-an sa mga frontliner hinuon sa kasamtangan maigo ra ang tanan tungod kay dako man ang lugar.
Gihulagway ni Tumulak nga dako kini og tabang sa mga frontliner ilabi na nga adunay mga sakop sa ilang pamilya o mismo ang mga frontliner ang gibati og kabalaka nga basin og mataptan usab sila sa covid-19 ug maapil unya ang ilang pamilya.
Matud ni Tumulak nga makig-alayon gihapon sila sa ubang private individuals nga makatanyag og tabang dili lang sa abtanan sa mga frontliner apan ubang tabang nga makapadasig kanila. /BDB (BANATNEWS)
- Latest
