PRO-7 nanghatag og PPE; DPS padayong nag-disinfect sa mga lugar
Sheriza Mae R. Uy (Banat) - April 8, 2020 - 12:00am

CEBU, Philippines — Ang Police Regional Office (PRO)-7 nag-apod-apod og mga Personal Protective Equipment (PPE) ngadto sa mga polis nga nadestino diha sa mga quarantine border checkpoint sa Probinsiya sa Sugbo.

Si Police Brigadier General Albert Ferro ang nitunol sa mga facemask ug alcohol ngadto sa nahisgutang mga polis.

Gawas sa mga checkpoint gibisita usab ni Ferro ang mga polis nga anaa sa 701st Maneuver Company sa Regional Mobile Force Battalion sa Dakbayan sa Bogo, detachment sa 2nd Provincial Mobile Force Company sa Cebu Provincial Police Office ug Daanbantayan Police Station diin gihatagan usab og mga PPE.

Sa kinatibuk-an nikabat sa 310 ka mga facemask, 13 ka galon ug 36 ka gagmayng botilya sa alcohol ang nahatag.

Matud ni Ferro nga ang maong mga PPE gihatag kini sa mga pribadong grupo alang sa mga frontliner.

Gikataho nga didto sa kaulohan upat na ka polis ang nagpositibo sa covid-19 ug duha niini namatay human sila matapti sa virus atol sa pagbantay sa mga border checkpoint.

Sa laing bahin, gibutyag ni Atty. Jigo Dacua, pangulo sa Department of Public Services (DPS) nga daghan na sila og lugar nga na disinfect.

Ang pag-disinfect gihimo nila kini matag-kadlawon isip kabahin sa lakang sa siyudad pagbatok sa covid-19.

Ang mga lugar nga na-disinfect na sa DPS gilangkuban sa dalan sa Pasil, Carbon Public Market, Magallanes, Pelaez, S. Osmeña, tugkaran sa Cebu City Hall, Jones Avenue, dalan Colon ug uban pa.

Matud ni Dacua nga magpadayon ang ilang disinfection hangtud nga ma-cover nila tanang lugar apil na ang mga bukirang barangay.

Sa pagkakaron dili pa sila makaabot sa mga bukirang barangay gumikan kay kuwang usab ang ilang resources sama sa trucks.

Nagsugod ang pag-disinfect sa kadalanan sa Siyudad sa Sugbo niadtong unang semana sa buwan sa Marso niining tuiga. Decemay P. Padilla/BDB (BANATNEWS)

PPE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with