Manager aksidenteng napatay sa helper
CEBU, Philippines — Patay ang 49-anyos nga manager sa construction firm human giingong aksidente kining napusilan sa iyang plant helper diha sa Sitio Latasan sa Barangay Labogon, Dakbayan sa Mandaue sa miaging gabii. Si Police Staff Sergeant Glenn Bordalba sa Presinto 3 sa MCPO, miila sa biktima nga mao si Oliver Ho, taga Dakbayan sa Bogo sa amihanang bahin sa lalawigan sa Sugbo. Samtang ang nakapusil kaniya mao si Nelsas Sabarita, 32, taga Barangay Lagtang sa Dakbayan sa Talisay.
Sa imbestigasyon sa kapolisan, si Sabarita nangangkon nga giduwaan niini ang armas nga kalibre 45 pistola nga iyang gipatuyok-tuyok sa iyang tudlo apan nibuto kini atubangan sa biktima.
Nahagba si Ho human naigo sa tiyan ug gidala nila sa tambalanan apan giingong patay na kini pagabot didto. Mitahan sa kapolisan si Sabarita ug ang kalibre .45 pistola nga walay lisensiya. /IBM (BANATNEWS)
- Latest
