Hazard pay sa kapolisan tag P235 lang una
CEBU, Philippines — Walay nakita nga kahiwian ang Police Regional Office 7 sa ihatag nga hazard pay sa kapolisan nga P235 matag adlaw imbis tag P500.
Gipasabot ni PRO-7 Director Albert Ferro nga kini pa lang ang pundo nga dali nga maapod-apod ngadto sa kapolisan.
“There was a fiscal directive that hazard pay must be given to personnel rendering duties as frontliners of the Enhanced Community Quarantine. The amount should not be above P500 but if there’s insufficient funds, the hazard may be lower than P500,” matud ni Ferro. Matud ni Ferro nga dili basta-basta nga adunay pundo nga makuhaan tungod kay wala kini nalakip sa budget hinungdan nga maglisud ang comptrollership kung asa kuhaon ang pundo.
“This coronavirus diseases 2019 (CoViD-19) is something that we did not ask for or we did not expect so we didn’t have funds for this,” dugang ni Ferro.
Gipangitaan hinoon kini og pamaagi ni Philippine National Police Director General Archie Gamboa aron makompleto ang P500 matag adlaw nga hazard pay nga mahatag ngadto sa tanang kapolisan.
Sa kinatibuk-an adunay 210,000 ka polis nga maoy hatagan sa tag P500 matag adlaw.
Usa sa gitan-aw nga kuhaan sa maong pundo ang alang sa combat pay tungod kay walay mga combat operation subay sa deklarasyon sa pagpatuman sa ceasefire. /GMR (BANATNEWS)
- Latest
