Manaugdaug sa frontliners dakpon
CEBU, Philippines — Ipaimbestigar sa Police Regional Office 7 ang giingong harassment ug discrimination sa mga mga medical frontliners sa Sugbo.
Kini human adunay nurse nga giingong padulong uli nga naglakaw sa dalan Tres de Abril nga kalit lang nga gisabwagan og chlorine sa usa ka riding in tandem.
Si PRO7 Director Albert Ferro nimando sa Cebu City Police Office City Intelligence Branch nga motutok sa imbestigasyon aron madakop ang mga responsable.
Gipasabot ni Ferro nga isip mga polis ila protektahan ang tanang medical frontliners nga mao sab ang nagprotektar sa katawhan batok sa COVID-19.
Sumala pa ni Ferro nga dili kini maoy unang higayon nga aduna report nga gidaugdaug ang mga medical frontliners diin nahitabo sab kini sa mga publikong sakyanan.
"We will ask the different local government units not to renew the permit of these people who were having these rental houses, these apartelles, I will ask that these owners will be answerable for the discrimination,” dugang ni Ferro. /GMR (BANATNEWS)
- Latest