Matud ni Senadjan nga ang dinakpan maoy gitumbok nga nagpusil patay sa iyang silingan nga si Linder Igot Aying gamit ang wala matino nga kalibre sa armas.
STAR/File
Nakapusil patay sikop, usa nasalbar
Romeo T. Limpangog (Banat) - March 30, 2020 - 12:00am

CEBU, Philippines — Gitanggong sa selda sa Lapu-Lapu City Police Office ang suspek sa pagpamusil patay sa Sitio Datag, Maribago nga nadakpan sa follow-up operation.

Si Police Master Sergeant Erwin Sinadjan sa Presinto 2 sa LCPO niila sa nadakpan nga si Mark Lee Sequeram, 19, usa ka boatman nga nagpuyo sa maong dapit.

Matud ni Senadjan nga ang dinakpan maoy gitumbok nga nagpusil patay sa iyang silingan nga si Linder Igot Aying gamit ang wala matino nga kalibre sa armas.

Dugang ni Sinadjan nga nag-inom ang biktima ug suspek hangtud nga nangahubog ug kalit lang nitumaw ang panaglalis nga nisangko sa pagpamusil.

Dali pa unta nga gidala ang biktima sa Lapu-Lapu City Hospital apan gideklarar kini sa mga doktor nga dead on arrival.

Samtang nakalingkawas sa kamatayon ang usa ka tawo nga gipusil sa may Sitio Ampalaya Village, Gun-ob, Dakbayan sa Lapu-Lapu.

Si Police Master Sergeant June Abella sa Presinto 3 sa LCPO niila sa biktima nga si Arnel Cadampog Abing, hingkod, taga Barangay San Vicente, Liloan.

Si Abella niingon nga nagbarug lang daplin sa dalan ang biktima dihang kalit kini gipusil sa wala hiilhing mga lalaki nga nagsakay og motorsiklo.

Dali nga gidala ang biktima sa tambalanan ug nakalingkawas kini sa kuyaw nga kahimtang.

Si Abella niingon nga sa crime scene ilang napalgan ang mga basiyo sa bala sa armas nga kalibre .45 nga ilang gituohan nga gikan sa armas sa wala hiilhing mamumuno. /GMR (BANATNEWS)

ARRESTED
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with