Cordova hugtanon nang nipatuman sa ECQ

CEBU, Philippines — Hugot na nga gipatuman sa kagamhanan  sa Lungsod  sa Cordova ang pagpaubos  sa Enhanced  Community  Quarantine  tungod  sa usa ka tawo nga  presumptive positive  sa covid-19.

Si  Mayor Mary Therese “Tetche” Sitoy-Cho  niluwat  sa maong  kamandoan base  usab sa nahipos niining kasayoran gikan  sa Department of Health (DOH) nga nagpahibalo nga ang pasyente nga babaye nga adunay travel history  sa  Manila ug nahidangat sa Sugbo niadtong Marso 12, 2020  ang presumptive positive sa covid-19. Base sa maong taho nga ang maong babaye ang nasulod  sa tambalanan niadtong Marso 17, 2020 tungod  sa nasinati niini nga pag-ubo-ubo ug hilanat. Matud ni Cho nga molupyo  sa  Summerville Subdivision  sa  Barangay Ibabao  sa maong lungsod ang maong babaye base usab sa pagsubay nga gihimo sa  Municipal Health Officer ug  DOH alang  sa pagsuta sa mga tawo nga gikauban sa paghidangat niini sa Sugbo.

Nunot niini, si Cho ang kusganon karon nga nag-awhag  sa mga Cordovahanon sa pagpabiling kalma ug paghunahuna  sa mga lakang nga ilang pagahimuon.

“To stay home is the best thing to do now and let the government do what needs to be done to contain this problem”, dugang ni Cho. (BANATNEWS)