COVID update
UN Secretary General: Humanity must fight back!
CEBU, Philippines — Si United Nations Secretary General Antonio Guterres mipasidaan nga nagkinahanglan gyud nga magkahiusa ang tanang mga nasud sa kalibotan pagbuntog sa coronavirus COVID-19 ug kinahanglang makigsangka ang tawo batok niini.
Kini samtang dinhi sa Pilipinas miabot na og 707 ang gidaghanon sa nataptan sa maong sakit tungod sa nadugang nga 71 ka bag-ong kompirmadong dunay COVID19.
Daan nga nipahibalo si Health Secretary Francisco Duque III nga mosaka pa gyud ang gidaghanon sa mga naa sa talaan tungod kay paspas naman ang gihimong COVID19 testing karon kay nag-operate na ang lima ka mga laboratory sa nagkadaiyang rehiyon sa nasud.
Sa pikas bahin, miabot na og 45 ka tawo ang namatay human nadugangan og pito ang mga nakalas sumala pa sa DOH. Sagad sa namatay nag-edad gikan 40 anyos pataas.
Si UN Secretary General Guterres miingon nga milyon-milyon ka tawo ang mamatay kun di magkahiusa ang mga kanasuran pagkombate sa COVID19.
“COVID-19 is threatening the whole of humanity—and the whole of humanity must fight back. Global action and solidarity are crucial. Individual country responses are not going to be enough,” matud niya.
Sa pagkakaron, ang World Health Organization nakatala na og lapas 450,000 ang natakdan ug kapin sa 20 mil na ang nakalas sa COVID-19. Gikan sa Philstar.com/IBM
Related video:
- Latest
