^

Banat Balita

Resorts gidid-an sa panagtapok sa guests

Le Phyllis F. Antojado - Banat

CEBU, Philippines — Gipahimangnuan ni Gobernador Gwendolyn Garcia ang mga resort owners nga dili modawat og mga bookings alang sa social gatherings, outings ug bisan mga team building.

Kini human siya nakadawat og laing report kalabot sa usa ka kompaniya ug grupo nga nipahigayon og panagtapok sa usa ka resort sa Lungsod sa Boljoon.

Ang gobernador nakakita sa Facebook post diin dunay hulagway sa usa ka grupo.

Nasuko si Garcia ug nihulagway nga “gahi og ulo” ang niapil sa maong tapok.

“This is not the time for leisure,” matud ni Garcia.

Si Garcia nibahad sa mga resort owners sa Lalawigan sa Sugbo nga dili modawat og mga team building activities.

“I will not hesitate to recommend for the revocation of your business permits,” bahad ni Garcia.

Sa iyang Executive Order 5-K gimando ni Garcia ang pagpaundang sa beach outings, excursion ug uban pa.

Gikasuko ni Garcia nga gitugtan sa usa ka beach resort sa Moalboal ang outing sa mga grupo sa mga tawo apil na sa mga langyaw.

Si Garcia nagkanayon ang ang dili motuo ipadakop sa kapolisan.

Wa tumana

Samtang istrikto nga social distancing ug pag-limit sa mga tawo nga mosulod sa mga exempted establishment ug services nga padayong nag-operate sa Siyudad sa Sugbo ang angayan nga i-obserbar.

Kini maoy unod sa Executive Order No. 60 nga giluwatan ni Cebu City Mayor Edgardo Labella kagahapong adlawa.

Sa EO No. 056-A ni Labella, ang mga grocery stores, super markets, banko, money transfer, pharmacies ug hardware exempted sa EO.

Apan nabantayan nga wala ma-obserbar ang social distancing sa maong mga establisemento hinungdan sa pag-isyu og laing EO ni Labella.

Naa sab sa EO No. 60 nga ang delivery services in-house man o outsource nga nag-transport og pagkaon ug tubig tugutan nga maka-operate sa curfew schedule.

Apan kinahanglan nga ang delivery drivers magsul-ob og saktong Personal Protective Equipment ug mamentinar og social distancing sa paghatud sa butang.

Nagpadala sab og suwat ang mayor sa mga ahensiya sa gobiyerno sama sa Government Service Insurance Syatem, Social Security System, PhilHealth, PagIBIG, National Bureau of Investigation, Registry of Deeds ug Bureau of Internal Revenue nga naghangyo sa pagsuspenso sa ilang walk-in transactions ug himoon una pinaagi sa online. Decemay P. Padilla/GMR (BANATNEWS)

RESORTS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with