_banat
^

Banat Balita

Mga misa sa simbahan kanselado na

Rowena D. Capistrano - Banat

CEBU, Philippines — Ang Archdiocese of Cebu pinangulohan ni Archbishop Jose Palma ang nikanselar sa kalihokan sa simbahan sama sa pagpahigayon og mga misa.

Ang Archdiocese of Cebu nipagawas na karon og updated pastoral guidelines sa covid-19 pandemic diin epektibo kini karong adlawa.

Base sa Circular No. 6/20 nga kanselado ang Santos nga Misa nga tambongan og bagang duot sa katawhan hangtud kong kanos-a itugot o mabalik sa normal ang sitwasyon.

Ug kong adunay misa ang mga pari lang ang mohimo niini diha sa simbahan apan mahimo ra ang katawhan mopadala sa ilang mga mass intention ngadto sa simbahan diin ilakip kini sa pag-ampo.

Ang simbahan nangita og pamaagi gamit ang social media o internet aron makasalmot gihapon ang mga relihiyoso sa Santos nga Misa o sa ubang mga relihiyosong kalihukan kong mag-online kini.

Mopagawas usab unya og guidelines ang committee on worship may kalabutan sa mga pamaagi sa pagpangompisal

Ang simbahan bukas gihapon kini ni bisan kinsa nga mosulod alang sa ipahigayon nila nga pag-ampo ug pagpangaliya.

Giawhag usab ang gusto nga magpabunyag ug magpakasal karong panahon nga iuswag lang una kini aron maobserbaran ang social distancing nga maoy gikinahanglan karon panahona.

Ipakita usab ang mga kalihukan sa holy week diha sa mga digital ug virtual technology aron ang magtutuo makapadayon gihapon sila sa ilang pagsunod sa balaanon nga kalihukan.

Ipadayon gihapon ang pag-ampo sa oratio imperata sa tanan ug ang pagbagting sa mga kampana matag alas 12:00 sa udto ug alas 8:00 sa gabii.

Nunot niini, ang kadagkoan sa nagkadaiyang congregation sa Probinsiya sa Sugbo nisaad nga mokanselar sa ilang mga kalihokan sa simbahan niini paglikay sa pagtapok sa mga tawo. Apil sa nitambong sa tigom uban kang Gobernador Gwendolyn Garcia ang 7th Day Adventist, Cebu Bradford Church, United Church of Christ in the Philippines (UCCP) ug Iglesia ni Cristo. Le Phyllis F. Antojado/BDB (BANATNEWS)

MISA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with