_banat
^

Banat Balita

Klase suspendido, misa padayon

Rowena D. Capistrano - Banat
Klase suspendido, misa padayon
Gawas sa pagsuspenso sa klase ang mayor nimando sab sa pagsuspenso sa mga publiko nga kalihukan sa barangay ug siyudad hangtud malibkas ang state of public health emergency nga giluwatan ni Presidente Rodrigo Duterte.
STAR/File

CEBU, Philippines — Klase sa Dakbayan sa Sugbo sa tanang level sa public ug private schools gipasuspenso subay sa gideklarar ni Mayor Edgardo Labella sugod sa Marso 16 hangtud 28.

Si Labella niluwat sa executive order human sa stakeholders meeting alang sa kaluwasan sa mga tinun-an.

Gawas sa pagsuspenso sa klase ang mayor nimando sab sa pagsuspenso sa mga publiko nga kalihukan sa barangay ug siyudad hangtud malibkas ang state of public health emergency nga giluwatan ni Presidente Rodrigo Duterte.

Giklaro sab sa mayor nga walay lock-down sa siyudad apan giawhag niya ang katawhan nga dili una molaag-laag sa laing lugar ug sa mga dili taga dakbayan sa pagpuyo lang una kung walay importante nga tuyo sa siyudad.

Sa iyang bahin gisuspenso na sab ni Gob. Gwendolyn Garcia ang klase gikan sa kinder hangtud high school sa tibuok Lalawigan sa Sugbo sugod karong Lunes, Marso 16.

Si Garcia nagkanayon nga dili siya makasuspenso sa unibersidad ug kolehiyo tungod kay makighinabi pa siya sa Commission on Higher Education.

Si Lapu-Lapu City Mayor Junard “Ahong” Chan niluwat sab og executive order sa pagsuspenso sa klase sa tanang tunghaan hangtud sa Marso 28.

Samtang gipahibawo ni Cebu Archbishop Jose Palma nga walay pagkanselar sa mga Santos nga Misa sa mga simbahan apan himoon ang mga precautionary measures.

Giawhag sab niya ang mga masakiton ug dunay mga gipamati sa lawas sama sa hilanat ug ubo nga magpuyo lang una sa panimalay aron malikay nga makatakod sa ubang mga tawo.

Malaumon si Palma nga tungod sa hugot nga pag-ampo sa katawhan mawagtang ra ang kagaw nga nikuyanap karon sa kalibutan. Le Phyllis F. Antojado/GMR (BANATNEWS)

 

MISA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with