110 ka polis gipaubos sa drug test
CEBU, Philippines — Gipaubos og kinalit nga drugtest 110 Ka sakop sa Police Regional Office 7 Regional Intelligence Division ug Regional Drug Enforcement Unit kagahapon sa buntag.
Matud ni RID7 deputy chief Police Major Myla Maramag kabahin kini sa internal cleansing sa kapolisan aron sa pagsigurong way drug addict sa ilang mga sakop nga nakigbatok sa illegal nga drugas.
Dugang pa ni Maramag nga anaa sa 98% ang mitambong sa maong kinalit nga drugtest tungod kay ang absent naka maternity leave ug naka sick leave.
Ang maong lakang pagsuporta kini sa Dos and Don’t’s sa Philippine National Police (PNP). Masaligon sab si Maramag nga limpyo ang tanan nga mga oberatiba ug anaa ubos sa ilang buhatan.
Lakip nga nangunay sa pagpa drugtest mao si Police Colonel Randy Peralta isip Deputy Regional Director for Operation ug kasamtangan hepe sa RID7.
Una kining higayon sa tuig 2020 ang pagpaubos sa drugtest sa mga sakop sa RID7, ug RDEU7. /IBM (BANATNEWS)
- Latest