Giingong siga sa Argao dakpan
CEBU, Philippines — Usa ka lalaki kinsa giingong magpabuto og armas diha sa ilang lugar ang nadakpan sa mga sakop sa Criminal Investigation and Detection Group (CIDG)-7 Cebu Provincial Field Unit kagahapon sa buntag diha Barangay Langtad lungsod sa Argao.
Ang suspetsado giila sa kapolisan nga si Archilles Sarda, hingkod ang panuigon, nagpuyo sa maong lugar.
Dala sa kapolisan ang warrant of arrest batok kang Sarda nga giluwatan ni Regional Trial Court (RTC) Judge Soliver Peras sa Branch 10 sa Dakbayan sa Sugbo.
Matud ni CIDG-7 Deputy Regional Chief Police Major Roland Allan Tolosa nga nakadawat sila og reklamo sa giingonh pagsiga-siga ni Sarda diha sa ilang lugar.
Giingong si Sarda magsige kini og pabuto og armas diha sa ilang lugar hinungdan nga ang mga silingan niini mangahadlok.
Na-recover sa posisyon ni Sarda ang usa ka kalibre .45 nga pistola nga adunay marka nga gipanag iya kini sa armadong kusog sa United States of America ug nagkalainlaing kalibre sa mga bala. /BDB (BANATNEWS)
- Latest
