BFAR: Mga juvenile shark dili disturbohon
CEBU, Philippines – Ang Bureau of Fisheries and Aquatic Resources (BFAR)-7 ni-discourage sa publiko sa paghikap o pagdisturbo sa mga iho nga nakit-an diha sa kadagatan sa Lungsod sa Santander.
Ang Cebu Provincial Fishery Office (PFO) nakig-alayon sa Municipal Agriculture Office sa lungsod aron pag-verify sa maong report.
Si Edgardo Delfin, officer-in-charge sa PFO nagkanayon nga base sa report sa municipal fishery technician nga ang mga nakitang iho juvenile black tip sharks diin nangita kini og pagkaon diha duol sa baybayon.
People should not be afraid. The presence of these sharks does not pose danger especially to people swimming there. They do not bite not unless they are threatened or harmed, pasabot ni Delfin. Matud ni Delfin nga ang juvenile sharks molangoy palayo kon mabatyagan nila ang mga tawo.
Ang maong hitabo usa ka normal phenomenon gumikan kay ang maong mga bata nga iho sagad mopatim-aw sa buwan sa Pebrero ug Marso.
Ang maong mga iho mangita kini og gagmayng isda nga ilang makaon.
Ang maong mga iho nakita kini sa mabaw nga bahin diha sa marine sanctuary sa Barangay Pasil, Lungsod sa Santander.
Ang maong presensiya sa mga iho mahimo kining tourist attraction apan si Delfin nihangyo sa publiko nga dili kini disturbohon. /BDB (BANAT NEWS)
- Latest
