Reaksyon kini ni Garcia sa gipagawas nga memorandum sa DepEd nga nagtugot sa mga pangpubliko nga tunghaan nga ibalik ang national, regional, ug ubang off-campus activities sugod Pebrero 24.
STAR/File
Pagpadayon sa kalihukan sa DepEd gikwestiyon ni Gwen
Le Phyllis F. Antojado (Banat) - February 27, 2020 - 12:00am

CEBU, Philippines – Gikwestiyon ni Gob. Gwendolyn Garcia kun nganong ipadayon sa Department of Education ang mga kalihukan niini sama sa district meets ug national schools press conference bisan sa padayon nga hulga sa Corona Virus Disease (COVID-19).

Reaksyon kini ni Garcia sa gipagawas nga memorandum sa DepEd nga nagtugot sa mga pangpubliko nga tunghaan nga ibalik ang national, regional, ug ubang off-campus activities sugod Pebrero 24.

“Why risk it? Is it worth the risk that these meets pose on our children?” matud ni Garcia.

Buot sab ni Garcia nga mapaminaw ang sentiment sa mga mayor kung uyon ba sila sa gihimo sa DepEd.

“Ila baya ning mga constituents mga anak ni sa ilang mga molupyo sa mga lungsod and then I will get the consensus of the mayors,” matud ni Garcia. Si Garcia nakigtagbo sa regional director sa Department of Health aron sa paghisgut sa sunod nga lakang human nga nidaghan ang kaso sa CoViD-19 sa South Korea hinungdan nga gi-ban na sab ang biyahe gikan sa North Gyeongsang, South Korea.

Samtang sa Dakbayan sa Lapu-Lapu nimando si Mayor Junard “Ahong” Chan sa City Social Welfare and Development Office nga mohimo og “cash for work program” sa paghinay sa industriya sa turismo tungod sa CoViD-19.

Ubay-ubay sa mga Oponganon ang apektado ang panginabuhian tungod kay limitado lang ang mga turista nga nangabot sa dakbayan.

Ang mayor nidasig sa mga Oponganon nga dili maluya bisan dili sayon ang panginabuhian tungod kay samtang siya pa ang amahan sa dakbayan paningkamutan niya nga makalingkawas sa maong problema.

Ang CSWDO uban sa City Disaster Risk Reduction and Management Office makig-alayon sa Department of Labor and Employment ug Department of Social Welfare and Development aron makahatag ug alternatibong panginabuhian ubos sa cash for work program, sustainable livelihood program o kaha pag-enroll sa mga voc-tech trainings sa mga trabahante nga apektado sama sa babysitters, housekeepers, tourist car driver ug uban pa. Rowena D. Capistrano/GMR (BANAT NEWS)

DEPED
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with