Mga interim bus makatabang sa problema sa trapiko—Labella

CEBU, Philippines — Si Cebu City Mayor Edgardo Labella nagkanayon nga ang mga interim bus nga ipatuman sa Department of Transportation (DOTr) makatabang sa pagpaloag sa problema sa trapiko.

Niadtong Sabado si Transportation Secretary Arthur Tugade nibutyag nga ang augmentation system alang sa proyekto sa Cebu Bus Rapid Transit magsugod sa Marso 15 niining tuig.

"According to Secretary Tugade it is interim in the sense that it is temporary, while we are doing something in the works of BRT so that walay ma-delay”’ matud ni Labella.

Si Labella nagkanayon nga ang Integrated and Inter-modal Transport System (IITS) giingong labing makatabang alang sa mga mass transportation sa siyudad.

Giingong ang IITS dili lang kini alang sa Dakbayan sa Sugbo apan sa Metro Cebu.

"Anything that is a mass transport system would greatly help decongest and solve problema sa traffic”, ni Labella pa.

Ang DOTr nagpalapad ug nagpauswag sa mga ruta sa sistema sa BRT gikan sa Cebu City nga mga ruta karon kay lakip na ang pipila ka mga ruta sa Dakbayan sa Talisay.

"It would not only use a particular mass transport system as mentioned it will include a monorail with the capacity of an LRT so it means it’s bigger in capacity”, padayag ni  Labella.

Ang proyekto sa monorail bahin sa IITS sa Sugbo ang naglakip sa BRT, point-to-point buses, cable car system, moderno nga jeep, bikeways ug urban realm enhancement o walkway, ug uban pa.

Ang gisugyot nga monorail adunay kapasidad sa usa ka light rail transit (LRT) ug maka-accommodate kini og 12,000 ngadto sa 15,000 ka pasahero matag direksiyon matag oras.

Dugang ni Labella nga ang kagamhanan sa dakbayan mag-andam kini og mga hinabang alang sa panginabuhia sa mga drayber sa public utility jeep (PUJ) nga maapektohan sa maong proyekto. /BDB (BANATNEWS)