Mga tukorong edipisyo sa Mandaue pabutangan og parkingan
Romeo T. Limpangog (Banat) - February 26, 2020 - 12:00am

CEBU, Philippines — Ang konseho sa Dakbayan sa Mandaue niawhag sa buhatan sa City Planning and Development Office (CPDO) ug sa buhatan sa Office of the Building Official (OBO) nga pahugtan ang pagpatuman sa City Ordinance No. 14-2016-1119.

Kini kalabutan sa mga tukoron nga edipisyo nga maggahin o magbutang og kaugalingong parkingan sa mga sakyanan.

Si Konsehal  Jimmy  Lumapas, chairman sa committee on transportation, market and communication  utilities sa iyang gipangamahanan nga resolusyon ang nipadayag kabahin  sa hugot usab nga pagdili sa  pag-parking sa mga sakyanan diha sa daplin  sa kadalanan.

Gipasabot ni Lumapas  nga ang paghawan sa mga daplin  sa kadalanan  sa dakbayan maoy pagsanong  sa pamahayag  ni Presidente  Rodrigo Roa Duterte  sa iyang ikaupat nga State  of  the Nation  Address (SONA) nga nag-awhag sa  paghawan sa kadalanan lukop nasud.

Kini gidasonan usab  sa giluwatan nga Memorandum Circular No. 2019-121  sa Department of Interior and Local Government (DILG)  nga nagmando sa paggamit sa gahom sa mga lokal  nga kagamhanan  sa  paghawan sa daplin sa kadalanan.

Nunot  sa maong memorandum circular  sa DILG  kini nagtugot usab sa mga local chief executives sa pagbakwi  sa mga permit nga giluwatan ngadto sa mga pribadong  buhatan nga nag-ukopar  sa  daplin  sa kadalanan.

Gitataw ni Lumapas  nga tungod  niini labing mahinungdanon  karon  sa kagamhanan  sa Dakbayan  sa Mandaue  nga hingusgan sa CPDO ug OBO ang pagpatuman sa mga rekisitos alang sa mga tukorong edipisyo nga magbutang usab kini og kaugalingong parkingan sa mga sakyanan aron malikayan nga maabuso ang daplin sa kadalanan sa siyudad diin gamiton nga parkingan. /BDB (BANATNEWS)

MANDAUE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with