Hustong pagpanghunaw ipatudlo sa mga tunghaan

CEBU, Philippines —  Sama sa paglikay sa pagkaylap sa Coronavirus Disease (COVID-19), kusganon nga giawhag ni Konsehal Alvin Dizon sa Siyudad sa Sugbo ang tanang eskwelahan sa siyudad sa pagtudlo og “hand hygiene education” sa mga estudyante base sa girekomendar sa World Health Organization (WHO).

Giawhag ni Dizon ang pribado ug publikong tunghaan nga himoon ang husto nga paghugas sa kamot matag-adlaw alang sa mga estudyante nga kinahanglan nga epektibo nga mapraktis sa klase.

Sa iyang resolusyon nga gipasar sa konseho, giawhag usab niya kadagkuan sa mga tunghaan nga maseguro nga ang mga gamit sa paghugas sa kamot naa sa maayong kondisyon ug adunay mga sabon ug paper towels o air hand dryers.

“With or without the coronavirus, hand hygiene is critical since our hands are the main pathways of germ transmission,” matud ni Dizon. “Our schools play a crucial role in promoting this basic hygiene practice among our students by ensuring that there is time allocated for effective hand hygiene education,” dugang niya.  GMR (BANATNEWS)