Ika-83 nga Charter Day sa Cebu City karon
CEBU, Philippines — Saulogon sa Dakbayan sa Sugbo ang ika-83 nga Charter Day karong adlawa nga gideklarar sab nga usa ka special non-working holiday sa tibuok siyudad.
Kabahin sa selebrasyon ang paghatag og pasidungog sa mga tawo nga nakatampo sa paglambo sa siyudad pinaagi sa resolusyon sa Cultural and Historical Affairs Commission nga giaprobahan sa konseho sa siyudad.
Ang outstanding institution ihatag sa Missing Felimon ug ang outstanding individual award ihatag kang Crisologo Caparoso ug Potenciano Larrazabal III.
Ang posthumous award ihatag kang Jon Ramon Aboitiz, Julian “Teban” Daan, Genaro Baisac Jr., John Gokongwei ug Henry Sy Sr.
Ang Order of Rajah Humabon Award ihatag kang Dr. Resil Mojares.
Ang paghatag sa award pinasubay sa ordinansa sa siyudad nga, “An ordinance to give annual citations and awards to outstanding individuals, organizations, companies, firms, or corporations who have contributed to the growth and development of the City of Cebu to be given during the celebration of the Cebu City Charter Day Anniversary, and for other purposes.”
Ubos sa Republic Act no. 7287, ang Pebrero 24 sa matag tuig gideklarar nga usa ka special non-working holiday sa Siyudad sa Sugbo nga giila nga Cebu City Charter Day. GMR (BANATNEWS)
- Latest
