DPWH giawhag mga imburnal pahabwaan
CEBU, Philippines — Giawhag sa hunta probinsiyal sa Sugbo ang tanang engineering districts sa Department of Public Works and Highways (DPWH) nga mopahigayon og hiningusgan nga declogging sa mga national roads sa lalawigan.
Pinaagi sa resolusyon ni Bokal Raul Bacaltos giasoy nga sa niaging mga adlaw diin nakasinati ang probinsiya og pag-ulan nga niresulta sa pagbaha sa pipila ka dalan.
“..occasional heavy rains that flooded some parts of the national highway attributed mainly to clogged canals that posed significant danger to motorists and the general public,” matud sa resolusyon ni Bacaltos.
Matud sa bokal nga ang maong suliran nanginahanglan og dinalian nga aksyon gikan sa hingtungdan nga ahensya.
Tungod kay ang DPWH man maoy responsable sa maintenance sa national highways sama sa Natalio Bacalso Avenue, angay nga mohimo kini og aksyon sa pagpahigayon og declogging sa mga dalan aron dili magbaha kun adunay ulan. GMR (BANATNEWS)
- Latest