Loose firearms … Gipresentar sa nagkadaiyang police units ubos sa Police Regional Office-7 kang Police Brigadier General Albert Ferro kining kapin 200 ka mga klase-klaseng armas nga nasakmit sa kampanya batok sa loose firearms.
Romeo Marantal
P70 milyones shabu sud sa 72-oras
Romeo Marantal (Banat) - February 22, 2020 - 12:00am

CEBU, Philippines — Lima ka kilong shabu na sab ang nasakmit sa kapolisan gikan sa usa ka drug runner sa usa ka dakong drug group dinhi sa Sugbo atol sa gihimong follow-up operation human nadakpan ang gitumbok nga bodegero sa maong grupo nga nakuhaan sab og tulo ka kilong shabu niadtong Huwebes sa hapon.

Ang operasyon gihimo sa mga sakop sa City Drug Enforcement Unit sa Cebu City Police Office  Huwebes sa gabii sa Poblacion Oriental sa Lungsod sa Consolacion.

Ang dinakpan giila nga si Kirby Baguio Abanilla alyas “Mata,” 37, taga dalan Conception sa Barangay Suba sa Dakbayan sa Sugbo. Nakuha gikan kaniya ang kapin lima  ka kilong  gituohang shabu nga mokantidad og sobra P34 milyones , usa .38 rebolber nga adunay upat ka bala ug ang motorsiklo nga iyang gisakyan.

Niadtong Huwebes sa hapon, nadakpan sa kapolisan ang kauban ni Abanilla nga si Elmer Gallarde sa operasyon sa CCPO-CDEU diha sa 6th Street, Brgy. Apas Dakbayan sa Sugbo. Nakuhaan si Gallarde og tulo ka kilong shabu nga mokantidad og kapin sa P20 milyones.

Matud ni Soriano, si Abanilla drug courier gikan sa kaulohan ug ang dala niining shabu para sa Central Visayas ilabi na sa Sugbo.  “Ang description natin sa kanya ‘yung nakuhanan natin ng three kilos (shabu) according sa ating questioning and information from some other sources bodegero talaga siya (Gallarde). And duon sa five kilos talagang courier talaga ito(Abanilla), dealer talaga, directly connected to the suppliers,”matud pa ni Soriano.

Gibutyag sab ni Soriano nga base sa nasakmit nilang mga mensahe gikan sa cellphone nga ilang nahipos, si Gallarde dinagko gyud ang transaksyon sa naulahi.

Pinaagi ni Gallarde nasulod sa laang si Abanilla maong nadakpan sab kini pagkagabii.

72-oras nga sempo

Sud sa 72 ka oras, moabot kapin P70 milyones nga kantidad sa gidudahang shabu ang nasakmit sa Police Regional Office 7 sa gipahigayon nga Simultaneous Enhancement Management Police Operation (SEMPO) sa Central Visayas.  Nanguna sa dagko og nasakmit ang Cebu City Police Office (CCPO) ubos sa pagdumala ni Police Colonel Engelbert Soriano kansang mga sakop nakakuha og 8.7 kilos nga gidudahang shabu nga mobalor ngadto sa P60.7 milyones nianang adlaw nga Huwebes.

Dunay nasikop nga 274 ka tawo sa nagkalain-laing salaod sama sa illegal ng drugas, illegal gambling, loose firearms ug pag serve sa warrant of arrest.

Sa kinatibuk-an,  ang PRO7 nakadakop og 483 ka personalidad sa tibuok Central Visayas. Ang 344 niini dunay mga warrant of arrest lakip na ang 59 ka high valued individual sa illegal nga drugas ug 221 nga street level individual.

Loose firearms

Moabot sab sa 289 ka mga loose firearms diin ang 186 niini nasakmit sa Cebu Provincial Police Office (CPPO) ug ang 103 sa kapulisan sa siyudad sa Sugbo.

Gisundan sa daghan nga na contribute sa maong SEMPO mao ang CPPO kun diin nakalarot sila og gibanabanang kapin P1 milyon nga marijuana ug P7.7 milyones nga balor sa shabu sa tibuok probinsya.

Sa Badian Police Station, nasikop sila si Reydean Quiachon,23,  ug Edgardo Caoba, 53, sa buy bust operation sa Barangay Bato ug Ginablan sa maong lungsod.

Usa sab ka 15 anyos nga lalaki ug tulo ka kauban niini ang nadakpan sa sa kapulisan sa Dakbayan sa Talisay  diha sa Sitio Magay, Barangay Tanke niadtong Huwebes sa gabii.

Ang 15 anyos nga taga Sitio Ilang-Ilang sa Brgy. Lagtang maoy puntariya sa operasyon , apan naapil sa nasikop iyang mga kaubang sila si Ernesto Daloc, 42; Mary Ann Qusimundo, 19; ug si Ronie Dildig, 55.

Sa pikas bahin, nadakpan sab sa kapolisan sa Lapu-Lapu City ang gwardiyang si Roy Tojeno, 36, kinsa nakuhaan og P70 mil nga balor sa gidudahang shabu ug armas nga .357 revolver diha sa Sitio  Camansi,  Barangay Pajo.  Sunod nilang nadakpan si Vergel  Casio Rosalejos, 32, diha sa Bankal ug nakuhaan og pinaketeng gidudahang shabu.

Sa Santa Fe, gidakop sa kapolisan ang usa ka tigpayuhot og ilegal nga drugas kinsa gidudahang sakop sa private armed group maong lungsod.

Ang nadakpan sa  buybust operation sa Barangay Ocoy  mao si Noel Batobalonos, 28, nagpuyo sa maong lugar kinsa nakuhaan og upat ka paketeng gidudahang shabu.

Druglords

Si PRO7 Regional Director Police Brigader General Albert Ferro nagkanayon nga dako kaayo ang alkanes sa mga drug lords sa Central Visayas tungod sa gidaghanon sa nasakmit sa kapolisan.

Nagtuo si Ferro nga usa ra ang supplier sa ilegal nga drugas dinhi ug sa Eastern Visayas tungod kay pareho tanang giputos og Chinese tea bags nga ginama sa nasud sa Myanmar.

Gikatahong usa ka Canadian national nga giilang si Tse Chi Lop mao karon ang giilang “Asian El Chapo” ug maoy nag supply sa illegal nga drugas dinhi sa Pilipinas.Sheriza Mae Uy, Rowena Capistrano, Gabriel Bonjoc, Romeo Limpangog/IBM (BANATNEWS)

DRUGS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with