DSWS gipaandam sa pagtabang sa mga OFWs
CEBU, Philippines – Gihangyo sa konseho sa Siyudad sa Sugbo ang Department of Social Welfare and Services nga mohimo og mapping sa mga residente nga apektado sa travel ban sa China, Hongkong ug Macau.
Ang DSWS giawhag sa pagpakig-alayon sa Association of Barangay Councils sa maong mapping base sa resolusyon nga giduso ni Konsehal Alvin Dizon. Matud ni Dizon nga maong maong travel ban dunay epekto sa mga Overseas Filipino Workers nga nagtrabaho sa China, Hongkong ug Macau ug dili na makabalik sa ilang mga trabaho kung maundang ang mga negosyo sa pipila ka establisemento sa maong mga dapit.
„Given this bleak picture, it is important for the government, especially at the local level, to take concrete measures to prepare for this eventuality and that would-be affected OFWs who are residents of Cebu City will be mapped and an intervention program be put in place,” matud ni Dizon.
Dugang hangyo ngadto sa DSWS mao ang pagpakig-alayon sa Department of Manpower Development and Placement nga mag-andam og contingency plan kung madugay pa ang travel ban nga moresulta sa pagkawala sa mga trabaho sa mga OFWs nga residente sa Dakbayan sa Sugbo. /GMR (BANAT NEWS)
- Latest
