Kapin 7,000 ni-renew sa business permit sa Mandaue
CEBU, Philippines – Kapin sa 7,000 ka establisamento sa Dakbayan sa Mandaue ang naka-renew sa ilang business permit diin natapos kini niadtong Enero 20, 2020.
Si Atty. Lizer Malate, pangulo sa Business Permit and Licensing Office (BPLO) sa Dakbayan sa Mandaue nibutyag nga dako ang pag-usbaw karon sa gidaghanon sa ni-renew sa ilang business permit kompara sa nilabayng tuig sa susama gihapong mga adlaw nga gidugayon diin aduna lang kini 683.
Matud ni Malate nga ang paspas nga mga pamaagi sa proseso sa mga dokumento ang nakatampo sa pag-usbaw sa gidaghanon sa renewal sa business permit.
Ang siyudad nipatuman kini sa Business One Stop Shop (BOSS) program nga nagsugod niadtong Enero 2 hangtud sa Enero 20, 2020.
Ang maong nilang programa subay kini sa kamandoan ni Presidente Rodrigo Duterte nga mao ang “Ease of Doing Business Act”.
Si Malate nagkanayon nga bisan sa pagptuman sa maong programa alang sa paspas nga proseso sa renewal sa business permit ilang nabantayan nga daghan gihapon ang mga establisamento ang wala makaabot sa kataposang adlaw sa pag-renew sa ilang business permit.
Kini nasayran human sa random inspection nga gipahigayon sa siyudad niining buwana ug nasuta nga 800 ka establisamento ang napakyas sa pagpresentar sa ilang business permit alang sa tuig 2020. /BDB (BANAT NEWS)
- Latest