Wa pa nabakunahi sa anti-polio gipapangita
Le Phyllis F. Antojado (Banat) - February 20, 2020 - 12:00am

CEBU, Philippines – Giawhag sa Provincial Health Office ang tanang Rural Health Units nga mohimo og inventory sa mga bata nga wala pa napabakunahi og anti-polio vaccine aron mabakunahan. Base sa datus sa PHO moabot pa lang sa 41,477 ang napatakan og oral polio vaccine (OPV Type 1) o kapin katunga sa target nga 74,015 nga angay bakunahan.

Samtang 41,883 usab ang nabakunahan sa OPV Type 3 ug 37,128 ang natusokan og bakuna sa Inactivated Polio Vaccine (IPV) o katunga sa target.

Matud sa pangulo sa PHO, Dr. Christina Giango, nga kun kaniadto makaabot og 90 ngadto sa 100 porsyento ang mabakunahan batok polio apan human sa isyu sa dengvaxia, niminus ang nagpabakuna.

Si Giango nisubli nga importante nga makompleto ang bakuna sa mga bata gikan sa masuso hangtud 5-anyos sa anti-polio vaccine aron makalikay sa maong sakit.

Samtang ang kagamhanan sa Dakbayan sa Sugbo andam mopalit og bakuna alang sa polio virus kung gikinahanglan.

Matud ni Dr. Daisy Villa, pangulo sa Cebu City Health Department, nga sa nilabay nga semana nipahigayon na sila og survey polio vaccine apan dili kini paigo kung mopahigayon og mass immunization.

“Ga-inventory ta sa atong polio vaccine. Makita nato ang atong polio vaccine is not enough to have a mass immunization,” sigun ni Villa.

Matud ni Villa nga nipasalig sila si Mayor Edgardo Labella ug Bise Mayor Michael Rama nga suportahan nila ang CHD alang sa ilang paghangyo og budget alang sa mass vaccination.

Human nagpositibo sa poliovirus ang Butuanon River, usa sa direktiba ni Labella ang city-wide vaccination.

“We will not only do the injectable, but we have to do both oral and injectable,” matud ni Villa. Gidasig usab ni Villa ang publiko nga magpabakuna sa ilang kabataan.

“I have to call them for now. Go to the health centers, let your children be vaccinated,” dugang ni Villa.Rowena D. Capistrano, Mary Ruth R. Malinao/GMR (BANAT NEWS)

POLIO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with