Nagpainterbyu … Si Police Lt.Col. Jovie Espenido sa interbyu sa mga tigbalita sa Sugbu bahin sa pasangil nga nalambigit siya sa ilegal nga drugas.
Sheriza Mae Uy
Espenido mitingog na
Sheriza Mae Uy (Banat) - February 19, 2020 - 12:00am

CEBU, Philippines – Dako ang pagtuo sa kontrobersiyal nga si Police Lieutenant Colonel Jovie Espenido nga adunay mga gamhanang tawo diha sa Philippine National Police nga nasuya kaniya ug maoy responsable nga gilakip ang iyang pangalan sa 357 ka mga polis sa narco-list ni Presidente Duterte.

Matud ni Espenido nga tungod sa iyang kalampusan sa kampanya batok illegal nga drugas daghan ang nasuya kaniya.

Gisuyaan

Si Espenido mao ang hepe Ozamis City ug nangulo sa ant-drug operation nga gikamatay ni mayor Reynaldo Parojinog, asawa niini ug mga igsuon. Si Espenido gihapon ang hepe sa Albuera, Leyte sa dihang napatay si Mayor Rolando Espinosa Sr. ang amahan sa gipasanginlang druglord nga si Kerwin Espinosa.

“Kanang ka shock- shock wala na nako na kay sige nalang ko ka shock murag wala  na nako na. Aw smile nalang ko (pagkahuman nalakip ang iyang pangalan sa listahan) kay mao man gyud na ang kinabuhi sa polis kay kung motrabaho tag tarung kontrahan ka, magbuhat ka og dautan mas daghan ang mo kontra. Naa man sad gyud uban nga mo appreciate usahay naay mopabor naa sad uban nga maguol kay maigo. Pero we are just a government employees representing the PNP normal ra na,” matud pa ni Espenido.

Si Espenido nagpa-interbyu sab sa sibyaanang DyHP Cebu ug didto iyang gipadayag ang iyang habig bahin sa mga pasangil.

Paglimpyo sa pangalan

Bisan pa man nga nimando si PNP Chief Archie Gamboa ngadto sa 357 ka mga polis sa listahan nga girelibohan na sa pwesto nga dili motubag o  moatubang sa media, nagpainterbyu si Espenido aron pagmatuod nga wala siya nalambigit o tigdawatan sa illegal nga drugas. “I do this response sa mga nakatap sa media because of my name  nga naapil matud pa sa listahan apan sa pagsugod nga wala pa gi-disclosed akong name more than a week pako nagpakahilom. Until such time nga gi-confirmed na gyud na apil ko. Akong hangyo sa mga tawo nga naa sa gobiyerno nga this is the time  nga molimpyo ko sa akong pangalan,” dugang pa ni Espenido.

Kun patyon ko

Gibutyag sab ni Espenido nga kung siya patyon, walay laing pasanginlan kundili ang gobiyerno ilabi na sa mga kauban sa buhat nga nasuya ug sa mga politikong naigo sa pagpanghinugsog sa kampanya batok illegal nga drugas.

“Kung mamatay man gani ko wala nay lain pang pasanginlan pa kun di ang gobiyerno ra gyud,” dugang pa ni Espenido.

Hinuon gihangop ni Espenido ang paghatag og panahon ni Gamboa nga pamatud-an sa mga naa sa listahan nga di tinuod ang mga gipasangil batok kanila. Niadtong milabay nga semana gimando ni Gamboa ang pag-recall sa maong mga polis alang sa adjudication process ug karong semanaha gihatagan sila og higayon nga magpa adjudicate sa Regional Level ug pamatud-an nga walay kamatuoran ang pasangil kanila. Sa wala pa narelibohan si Espenido na destino kini sa Bacolod City Police Office kun siya ang Deputy City Director for Operation. /IBM (BANAT NEWS)

JOVIE ESPENIDO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with