5 gi-quarantine gipapauli
Le Phyllis Antojado (Banat) - February 16, 2020 - 12:00am

CEBU, Philippines — Human nga gilibkas sa gobyerno sa Pilipinas ang travel ban sa Taiwan, gipapauli na ang lima ka mga tawong gikan sa maong nasod nga gi-quarantine sa quarantine facility sa lungsod sa Pinamungajan.

Ang pag-quarantine gihimo subay sa protocol nga gipatuman sa probinsya aron dili mokatap dinhi ang sakit nga novel coronavirus (COVID19) gikan sa China nga nitakod na sa 25 ka mga nasud.

Sa press release sa Probinsya sa Sugbo, gipapauli na kadtong lima ka Pilipinong gikonsiderar nga Persons Under Monitoring. Nalakip sila sa 30 ka pasaherong niabot sa Mactan Cebu International Airport (MCIA) niadtong Pebrero 12 ug dayon gidala sa evacuation center nga nahimong quarantine facility sa Barangay Apas sa Dakbayan sa Sugbo.

Apan ang mga gi-quarantine nangreklamo tungod kay kuwang kaayo ang mga batakang panginahanglan sa maong pasilidad sama sa tubig, kasilyas ug dugay maabot ang pagkaon.

Gumikan sa reklamo gipabalhin sila sa pasilidad sa Pinamungajan, apan karong gibakwi ang travel ban sa Taiwan, gipapauli na kadtong lima nga gikan didto.

Samtang 21 sab ka pasahero sa maong flight ang gipapauli sa Davao niadtong Pebreo 14. Ang upat gipaubos sa home quarantine ug katong lima ang nahabilin usa sa Pinamungajan.

Ang gipapauli gipapirma og dokumento nga misaad nga sila magpahiling dayon sa tambalanan kun makasinati sila og sintomas sa coronavirus.

Ang National Inter-Agency Task Force for the Management of Emerging Infectious Diseases nagkasabot nga bakwion ang travel ban sa Taiwan tungod kay ang maong nasud nipatuman og estriktong pagbantay aron di masudlan sa COVID-19.

Talisay City

Sa pikas bahin, nagpasalamat si Talisay City Mayor Gerald Anthony “Samsam” Gullas Jr. sa kooperasyon sa mga Talisaynong gikonsiderar nga mga Person Under Monitoring (PUM) kay wala kanilay daghang reklamo ug nakita nga walay sintomas nga nakitang nagdala sila og sakit.

Wala na ibutyag sa mayor ang maong mga Talisaynon ug kun asa sila nagpuyo aron sila protektahan. Ang mga gikonsiderar nga PUMs mag-home quarantine sud sa 14 ka adlaw.

“Pasalamat ta kay ang atong gi home quarantine asymptomatic buot pasabot wala silay symptoms para mahimong PUI,” asoy pa ni Gullas.

Nutrisyon

Samtang gipahibalo sa National Nutrition Council Region -7 pinaagi ni Dr. Parolita Mission, Regional Nutrition Program Coordinator nga dako og matampo sa depensa sa mga sakit ang maayong nutrisyon.

Giawhag niya ang tanan nga magmatngon sa gikaon ug batasanon ang healthy eating habit ug healthy lifestyle aron makapanalipod ang lawas sa mga common viral infections ingon man corona virus epidemic.

Matud niya importanteng mag-ehersisyo, moinom og daghang tubig, sakto og pahuway ug manghugas sa mga kamot matag karon ug unya.

“Supporting these tips, the National Nutrition Council released three (3) nutrition tips to boost the immune system on 10 February 2020. This includes having a balanced diet and practice of proper hygiene by washing your hands for 20 seconds, and help young children do the same. If soap and water are not available, use an alcohol-based hand sanitizer. As much as possible, avoid touching your eyes, nose, and mouth with unwashed hands as viruses can enter your body this way and make you sick,” tipik sa press release nga gipagawas sa NNC.

Gitataw nila nga ang pagpalig-on sa immune system angayan nga sinugdanan aron mapakgang ang viral infections. Gabriel Bonjoc, Decemay P. Padilla/IBM (BANATNEWS)

QUARANTINE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with