30 ka motor ang nakawat
Sheriza Mae Uy (Banat) - February 16, 2020 - 12:00am

CEBU, Philippines — Mga notadong kawatan og motorsiklo mitug-an nga kapin 30 ka motor na ang nakawat niini sa wala pa kini madakpi sa mga sakop sa Cebu Provincial Highway Patrol Unit.

Apan sa maong gidaghanong nakawat nga motor, duha palang ang nabawi sa kapolisan gikan sa Barangay Mambaling sa Dakbayan sa Sugbo atol sa gihimong followup operation.

Ang mga suspek nga si Elias Abdunahar Ejiram ug Jervy Arellano nadakpan sa entrapment operation diha sa dalan Colon sa Dakbayan sa Sugbo human nga nakigtransaksyon sa tagiya sa motor nga ilang gikawat.

Matud pa nga ang tagiya sa kinawat nga motor nakabasa sa online sa mga gibaligyang second hand nga motorsiklo ug nakita niya didto ang iyang motor nga bagohay lang gikawat.

Tungod niini, nakigalayon ang biktima sa Liloan Police Station u gang maong buhatan nagpatabang sa CPPO-HPU pinangulohan ni Chief Police Michael Gingoyon.

Human nadakpan silang Ejiram ug Arellano gihimo dayon ang follow-up operations sa Mambaling ug didto nabawi ang duha ka gituohang kinawat nga motorsiklo ug gidakop ang ilang kakunsabong si Benjulin Labra alyas Junrey Batajo.

Matud pa nga ang grupo mohimo sab og pekeng Official Receipt ug Certification of Registration sa mga motor nga kinawat aron ilang mabaligya.

Giawhag ni Gingoyon ang mga tagiya og motor nga i-double lock ang ilang mga motor ug dili i-park sa mingaw nga dapit.

Gipanawagan ni Gingoyon kadtong gikawatan og motorsiklo pagdangop sa ilang buhatan ug sa Liloan Police Station tungod kay adunay mga driver’s license sab nga na-recover gikan sa mga suspek nga gituohang iya sa mga nabiktima.

Makigalayon sab ang PHPU sa Land Transportation Office (LTO) aron sa pag subay sa mga tag-iya sa mga motor nga na recover. /IBM (BANATNEWS)

MOTORCYCLE
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with