Ang mga Pinoy o Overseas Filipino Workers gikan sa Taiwan ug ipaubos unta sa 14-adlaw nga quarantine apan nangreklamo tungod kay dili maayo ang pag-atiman kanila.
Aldo Nelbert Banaynal
Gi-Quarantine sa cebu gipapauli na
Le Phyllis F. Antojado, Gabriel C. Bonjoc (Banat) - February 15, 2020 - 12:00am

CEBU, Philippines — Nakauli na sa Davao ang 21 ka Pinoy nga gi-quarantine sa evacuation center sa Apas, Dakbayan sa Sugbo.

Ang mga Pinoy o Overseas Filipino Workers gikan sa Taiwan ug ipaubos unta sa 14-adlaw nga quarantine apan nangreklamo tungod kay dili maayo ang pag-atiman kanila.

Gawas niana dili sab maayo ang pasilidad nga gibutangan kanila tungod kay walay tubig ug langay ang pagkaon ug uban pa.

Matud ni Atty. Steve Dicdican, general manager sa Mactan Cebu International Airport, nga ang 14 nakauli sa Davao niadtong Huwebes sa gabii sakay sa Cebu Pacific samtang ang laing pito ang nilarga gahapon sa buntag sakay sa Philippine Airlines (PAL). Si Gob. Gwendolyn Garcia nagkanayon nga tungod sa nahitabo, adunay kausaban sa protocol diin ang mga pasahero gikan sa mga nasud nga giapil sa travel ban deretso na nga papaulion sa ilang probinsiya kun dili sila taga Sugbo.

Ang siyam ka Sugboanon nga naapil sa gi-quarantine sa evacuation centers maoy nabalhin na karon sa rehabilitation center sa Lungsod sa Pinamungajan.

Si Dr. Jaime Bernadas, regional director sa Department of Health 7, nangayo og pagsabot sa mga gipang-quarantine ug sa publiko.

Matud ni Bernadas nga buot lang nila maseguro nga luwas ang tanan batok sa corona virus disease.

Samtang nagpasalamat si Talisay City Mayor Gerald Anthony “Samsam” Gullas Jr. nga wala silay nakitang problema sa ilang gipaubos sa home quarantine nga Person Under Monitoring (PUM) kinsa walay daghang reklamo.

Wala gibutyag ni Gullas ang mga pangalan sa mga PUM ug kung asa nga barangay diin sila nigahin og 14 ka adlaw nga walay gawas-gawas. –/GMR (BANAT NEWS)

QUARANTINE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with