Pinasahi nga V-Day sa HPG

CEBU, Philippines — Dili lang paghatag og buwak, chocolates ug balloon ang tumong sa mga sakop sa Highway Patrol Group 7 sa pagsaulog sa Valentine’s Day apan nagpahinumdum sab sila sa lagda sa trapiko ngadto sa mga motorista.

Sa may dalan V. Rama nagpahigayon og checkpoint ang HPG-7 diin nanghatag sila og chocolate, buwan ug balloons bugti sa pagpakita sa lisensiya.

Giangkon sa mga motorista nga nakulbaan sila pagtuo nga duna silay kalapasan nga nahimo.

Si Police Captain Michael Gingoyon, hepe sa Provincial HPG, niasoy nga ilang gipakita nga nagpakabana ang HPG sa mga motorista pinaagi sa paghatag og buwak, chocolate ug balloons.

Samtang usa ka talagsaon nga lihok protesta ang gipahigayon sa militanteng pundok nga gitawag og “Valentine Protest sa Pagmamahal.”

Sa pula nga placards nga giporma og kasingkasing nakasuwat ang ilang mga sentiment sama sa mga “mahalin mo ako, huwag lang tuition ko.”

Usa sa panawagan ang pagpabasura sa rice tarrification law nga giingong naghatag og kalisdanan sa mga mag-uuma.

Niuban sa lihok protesta ang grupo sa Gabriela, mga estudyante ug uban nga progresibong pundok.

Gitumong sa Valentine’s Day ang ilang lihok protesta aron mabati gyud sa kasingkasing sa gobiyerno ang ilang mga panginahanglan. –/GMR (BANAT NEWS)