Ang maong mga uniporme gitahi kini sa siyam ka sastre o mga mananahi nga piniriso sa CPDRC sulod sa lima ka bualn.
STAR/FIle
Bag-ong uniporme ug sapatos nahatag na sa inmates sa CPDRC
Le Phyllis F. Antojado (Banat) - February 14, 2020 - 12:00am

CEBU, Philippines – Hingpit na nga nahatag ngadto sa mga inmate sa Cebu Provincial Detention and Rehabilitation Center (CPDRC) ang bag-o nila nga uniporme ug sapatos.

Matud ni Reynaldo Valmoria, warden sa CPDRC nga nahatag ang maong mga uniporme niadtong Enero 29, 2020.

Ang maong mga uniporme gitahi kini sa siyam ka sastre o mga mananahi nga piniriso sa CPDRC sulod sa lima ka bualn.

Nikabat sa 22 ka rolyo sa upper garments ug 36 ka rolyo sa lower garments ang gipalit sa Probinsiya sa Sugbo alang sa uniporme sa inmates.

Gikan sa 2, 357 ka piniriso nga gipatahian adunay 1,900 ka piniriso na lang ang nakadawat tungod kay ang 457nakagawas naman kini.

Adunay sobra pa nga tela ug ang kapin sa 400 ka sapatos ang gi-turnover usab ngadto sa Provincial General Services Office (PGSO).

Sa report sa Sugbo News ang news portal sa Probinsiya sa Sugbo,  si Valmoria nagkanayon nga ang siyam ka sastre nga nitahi sa uniporme ug ang mga inmate nga maoy ni printa sa CPDRC logo sa uniporme mahatagan og re-numeration sa ilang serbisyo kini subay sa gisaad ni Gobernador Gwendolyn Garcia.

Si Garcia nibista kini sa mga inmate sa CPDRC sa niaging tuig diin nisaad kini nga mohatag og bag-ong mga uniporme sa mga priso.

Niadtong higayona nikabat sa 4,000 ang mga inamte sa provincial jail apan karon   1, 853 na lang ang gidaghanon sa inmates diin 1, 718 niini mga lalaki ug 117 mga babaye. /BDB (BANAT NEWS)

CPDRC
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with