Gullas natagbaw sa serbisyo sa kapolisan sa Talisay
CEBU, Philippines – Si Mayor Gerald Anthony “Samsam” Gullas Jr. sa Dakbayan sa Talisay nipadayag sa iyang paghangop sa gipakitang performance sa kapolisan sa siyudad.
Matud ni Gullas nga natagbaw siya sa pagdumala ni Police Major Gerard Ace Pelare diin nilingkod kini niadtong buwan sa Oktubre sa nilabay’ng tuig isip hepe sa Talisay City Police Station.
Sayo pa, ang Dakbayan sa Talisay nalakbit ni Presidente Rodrigo Duterte atol sa iyang pagbisita sa Sugbo nga adunay daghang drugas.
Apan si Gullas nagkanayon nga nasayod siya sa gipakitang kakugi sa kapolisan sa pakigbatok sa ginadiling drugas.
Gikan sa buwan sa Enero niining tuiga ug hangtud niining buwana adunay kapin sa 200 nga nalambigit sa ginadiling drugas ang nadakpan ug nikabat ngdato sa P10 milyones ang kantidad sa shabu ang nasakmit.
Sa iyang bahin, si Pelare nagpasalamat kang Gullas sa pagsalig kaniya ug sa suporta nga gihatag niini sa mga programa sa kapolisan.
Si Pelare nipasalig nga palambuon pa nila ang ilang serbisyo ug ang mga kausaban diha sa Barangay Tanke. /BDB (BANAT NEWS)
- Latest