DSWD centers ipagamit isip quarantine facility

CEBU, Philippines – Andam ipagamit sa Department of Social Welfare and Development ang ilang mga centers isip quarantine facility sa mga tawo nga gidudahan nga dunay 2019-Novel Corona Virus Acute Respiratory Disease.

Kini sumala pani DSWD Secretary Rolando Joselito Bautista aron pagtabang sa gobiyerno nga mabatukan ang maong sakit. Buot ni Bautista nga mabansay sa taga Department of Health ang ilang mga social workers nga moatiman sa mga tawo nga i-monitor.

"Kasi hindi lang ordinaryong kwarto yan o ordinary structure kailangan talagang isolated yan from any infection of the NCoV at the same yung isang kondisyon namin i-train ng DOH yung mga social welfares na mag-aattend o magki-care dito sa ano natin", sigun ni Sec. Bautista.

Si Cebu Archbishop Jose Palma sa iyang bahin subling niawhag sa mga magtutuo nga padayon gihapon ang pag-ampo ilabi na sa mga nagtuo para makabaton og tambal ang gikahadlokan nga nCoV. Matud sa Arsobispo nga angay iampo ang mga tawo nga nangita og mga pamaagi nga matubag ang problema.

Ang awhag ni Palma giluwatan atol sa misa alang sa mga masakiton subay sa kapistahan sa Our Lady of Lourdes sa Cebu Metropolitan Cathedral. Dugang ni Palma nga dili siya makadeklarar nga walay mga piyesta kay daghang konsiderasyon samtang ipadayonang pag-ampo sa Oration Imperata alang sa Novel Coronavirus. Rowena D. Capistrano/GMR (BANAT NEWS)