Mga establisamento susihon; Hotel ug resorts ipa-upgrade
Decemay P. Padilla (Banat) - February 7, 2020 - 12:00am

CEBU, Philippines – Gikatakdang sugod niining buwan sa Pebrero ang Department of Labor and Employment (DOLE)-7 mobalik na sa paghimo og regular inspection ngadto sa mga pribado nga establisamento dinhi sa Central Visayas.

Matud ni Salome Siaton, direktor sa DOLE-7 nga niisyu na si Secretary Silvestre Bello III ug general authority alang sa ilang mga labor inspector.

Gibutyag ni Siaton nga ilang susihon kon ang mga kompaniya nituman ba sa mga lagda sa general labor standard ug occupational safety and health standard.

Apil nga ilang sutaon kon ni-comply na ba ang mga kompaniya sa bag-ong wage order nga niepekto niadtong Enero 5, diin P404 na ang minimum nga suholan sa Expanded Metro Cebu area gikan sa P386.

Ang DOLE moisyu kini og notice of result diin ipaskin sa workplace kong masakpan nga nakahimo og mga kalapasan.

Hatagan usab sa DOLE-7 og lima ka adlaw ang kompaniya sa pag-settle sa maong kalapasan apan kon dili sila maka-comply niini, i-docket sa ahensiya ang mao nga kaso ug  mopatawag dayon og duha ka mandatory hearing tali sa kompaniya ug sa mga kawani niini.

Human sa hearing, ang kompaniya moluwat kini og compliance order diin mandoan kini sa pagtuman sa mga lagda sa pamuo ug i-settle ang ilang mga nahimong kalapasan.

Nasayran nga karong tuiga, target sa ahensiya nga makainspeksiyon og 4,868 ka establisamento.

Sa laing bahin, gidasig ni Gobernador Gwendolyn Garcia sa Probinsiya sa Sugbo ang mga nanag-iya og resorts ug hotel nga panahon na karon sa pag-update sa ilang mga facility.

Si Garcia niluwat sa maong pamahayag human daghan sa mga magpapatigayon ang nireklamo tungod kay pipila na lang ang ilang mga guest tungod sa giatubang karon nga problema sa 2019 novel coronavirus.

Matud ni Garcia nga karon ang higayon nga mohimo sila sa pag-update sa ilang mga facility aron ma-attract ang ilang mga guest tungod kay dili man sila makahimo niini panahon kong daghan ang mga guest.

Dugang ni Garcia nga dili angay mabalaka ang mga magpapatiyon tungod kay ang Cebu usa sa mga favorite destination diin aduna kini facilities, international airport, domestic hub, connectivity ug uban pa ug kon mobalik na sa normal ang sitwasyon dako nga bintaha nga world class ang mga room, limpiyo ug attractive sa mga bisita nga mopuyo. Rowena D. Capistrano/BDB (BANAT NEWS)

UPGRADE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with