^

Archdiocese mopahigayon og climate conference

Rowena D. Capistrano (Banat) - January 30, 2020 - 12:00am

CEBU, Philippines – Ang Archdiocese of Cebu mangulo sa Climate Emergency Conference karong Biyernes Enero 31 ngadto sa Pebrero 1, 2020.

Ang maong kalihukan usa ka komprehensibong tubag alang sa climate emergency nga maglangkub sa katawhan sa Sugbo ug magdasig sa katawhang Pilipino sa pagsunod niini.

Human nipagawas ang Catholic Bishop Conference of the Philippines og pastoral letter nga nag-ulohan og  “An Urgent Call for Ecological Conversion, Hope in the Face of Climate Emergency” niadtong Hulyo 16, 2019 ang archdiocesan ug diocesan group tibuok nasud nagsugod dayon sa ilang mga pagpangandam alang sa local conference nga maglambigit sa mga parukya ug basic ecclesial communities aron makamugna ug makaimplementar sa tubag sa “Luadato Si” ni Pope Francis niadtong tuig 2015 alang sa “Care for Our Common Home”.

Gilauman nga 700 ka pari ug layko ang magtagbo alang sa 1st Cebu Archdiocesan Conference on Climate Emergency aron makahatag og lapad nga platform sa mga stakeholders sa paglawig, paglaum ug sa hiniusa nga lihok alang sa climate emergency.

Matud ni Padre Murphy Sarsonas, commission chairman sa Cebu Archdiocesan Commission on Environmental Concerns nga naglaum sila nga maresolba ang climate emergency sa dili pa ang tuig 2030 pinaagi sa pag-implementar sa CBCP’s 13 ecological actions pinaagi sa pagtinabangay sa tanang sektor sa katilingban.

Si Sarsonas nagkanayon nga ang conference usa usab kini ka lugar sa pag-promote sa paggamit og renewable energy isip priority project sa commission. /BDB (BANAT NEWS)

ARCHDIOCESE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with