Giawhag sab ni Chan ang mga molupyo sa siyudad nga magsul-ob og mask sa kanunay ug mangaliya sa Birhen sa Regla nga panalipdan ang katawhan.
AFP/Roslan Rahman
Biyahe gikan China ipa-ban sa sugbo
Rowena D. Capistrano (Banat) - January 29, 2020 - 12:00am

CEBU, Philippines – Nanawagan si Lapu-Lapu City Mayor Junard “Ahong” Chan sa Department of Health sa pagkonsider sa pag-ban sa flights ilabi na gikan sa Wuhan, China ug silingang mga lugar isip kabahin sa preventive measure batok coronavirus.

Giawhag sab ni Chan ang mga molupyo sa siyudad nga magsul-ob og mask sa kanunay ug mangaliya sa Birhen sa Regla nga panalipdan ang katawhan.

Kagahapon kinarton nga face masks ug alcohol ang gihatag sa kagamhanan sa dakbayan ngadto sa mga kawani sa Bureau of Immigration ug sa Mactan Cebu International Airport aron panagang sa coronavirus.

Nabalaka si Chan sa kahimtang sa mga kawani sanglit sila ang makig-atubang sa mga mangabot gikan sa gawas sa nasud.

Si Dr. Van Philip Baton, medical officer sa DOH-7, nga ang World Health Organization wala nirekomendar sa pag-ban sa biyahe apan magdepende kini sa tigum sa kadagkuan sa panglawas sa kaulohan.

Ang MCIA sa kasamtangan adunay 36 ka direct flights gikan sa China matag semana gikan sa Guangzhou, Xiamen, Jinjiang, Chengdu, Shanghai, Shenzhen ug Hangzhou.

Si Cebu City Mayor Edgardo Labella sa iyang bahin mohangyo sa BI nga i-ban ang mga turista gikan China.

Gimanduan sab niya ang City Health Department nga makig-alayon sa Bureau of Quarantine ug DOH ilabi na sa mga nadestino sa airport ug pantalan.

“In case there are reports, they can easily contact with one another,” matud ni Labella.

Alerto sab ang kagamhanan sa Dakbayan sa Talisay labot sa coronavirus.

Si Mayor Gerald Anthony “Samsam” Gullas Jr. nakighinabi na sa hepe sa CHD nga si Dr. Lino Alanzado kinsa nipaubos na sa heightened alert aron maseguro nga duna silay saktong datos sa mga tawo nga gipanghilanat ug gipang-ubo.

Nakig-alayon na sab sila sa matag barangay aron mao kini ang mopahibawo kanila sa ilang mga lugar nga adunay kadudahan nga sakit. Romeo T. Limpangog, Mary Ruth R. Malinao, Gabriel C. Bonjoc/GMR (BANAT NEWS)

CHINA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with