Pagpabutang og tangke sa uwan pahingusgan
Decemay P. Padilla (Banat) - January 29, 2020 - 12:00am

CEBU, Philippines – Gipasalig sa Office of the Building Official nga ipatuman ang Cebu City Ordinance 2103 o ang Water Conservation Program sa pagtukod sa mga tangke sa tubig sa tanang edipisyo ug mga balay. Kini human gitambagan ni Mayor Edgardo Labella ang mga tawo sa pagkonserbar sa tubig. “Dili ta mo-isyuog building permit if sa iyang building permit application wala siya rain water tank or water conservation, mo-collect sa water, ikaduha dili pud ta mo-isyu og occupancy permit if wala pud siya ani sa actual,” matud sa hepe sa OBO, Architect Florante Catalan.

Si Konsehal Nestor Archival Sr. nibutyag nga pipila sa mga tag-iya sa mga edipisyo ang wala nagtuman sa maong ordinansa.

Sa usa ka resolusyon, si Archival niawhag sab sa OBO ug sa Department of General Services nga maghimo og lista sa mga non-compliant city-owned buildings. – Alicia Ivy L. Chua/GMR

Mga kabus sa CV niminus

Nikunhod ang poverty incidence sa Central Visayas base sa gihimong survey sa Philippine Statistics Authority  niadtong 2018.

Sigun ni PSA-7 Director Ariel Florendo nga gikan sa 24.7% nga poverty incidence niadtong 2015, anaa nalang kini sa 13.2% sa 2018.

Base sa populasyon, matud ni Florendo nga aduna nalang silay natala nga 242,000 nga kabus sa 2018 nga mas ubos sa 420,000 nga poverty magnitude niadtong 2015.

Sumala pa ni PSA Assistant National Statistician Wilma Guillen nga ang pagtaas sa sweldo sa matag pamilya sa rehiyon maoy daku og natampo sa pagkunhod sa gidaghanon sa kabus nga pamilya sa Central Visayas.

Nagkanayon si Guillen nga matag pamilya nga dunay lima ka miyembro, gikinahanglan niini ang P10,705 nga income aron dili kini makonsiderar nga kabus.

Si National Economic Development Authority 7 Director Efren Carreon nagkanayon nga ang survey nitukma sa ilang natala nga kalamboan sa ekonomiya sa rehiyon nga niabot sa 7.6%.

Nakatampo sab ang pagpatuman sa gobiyerno sa mga Social Security Programs sama sa Pantawid Pamilyang Pilipino Programs (4Ps), social pension, Kalahi-CIDDS, ug uban pa.

Apil usab nga nakatampo ang pagpatuman sa ease of doing business ug ang paghimong libre sa tertiary education sa mga State Universities and Colleges (SUCS) ug Local Universities and Colleges (LUCS). /GMR (BANAT NEWS)

PAHINGUSGAN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with