CCPO mokiha batok ni ‘Boy Laway’
CEBU, Philippines — Pasakaan gyud og kaso sa Cebu City Police Office kadtong giilang “Boy Laway” bisan pa man sa resulta sa ilang panagtagbo sa mga opisyal sa Dakbayan sa Sugbo.
Matud ni CCPO Director, Police Col. Engelbert Soriano, nga kung siya ang pabut-on, gusto niyang ideklarar nga persona non grata si Jayson John Tapales.
Sumala pa ni Soriano nga sila sa kapolisan ang nag-andam na og tulo ka kaso batok kang Soriano nga naglangkub sa unjust vexation, offended religious activity ug grave scandal, diin anaa na sa piskaliya ang pagdeterminar sa ilang ipasaka.
Dugang ni Soriano nga ang ilang chief investigation ang nag-andam sa kaso karong semanaha.
Ang video ni Tapales nga namahid og pintal nga adunay laway atol sa Sinulog ang nikatap sa social media diin adunay magtiayon nga nireklamo sa iyang binuhatan. GMR (BANATNEWS)
- Latest