Shabu gisulod sa make-up kit
Rowena D. Capistrano, Romeo T. Limpangog (Banat) - January 25, 2020 - 12:00am

CEBU, Philippines — Nasikop ang duha ka tawo sa mga tinugyanan sa San Nicolas Police Station sa may Quijano Compound, Calamba, Dakbayan sa Sugbo kagahapon. Ang nasikop mao sila si Philip Christian Mendoza, 22, ug Romar Bangcal, 18, pulos taga Mambaling, Dakbayan sa Sugbo.

Nasakmit gikan sa mga dinakpan ang ginadiling drugas nga moabot sa dul-an sa milyon ka pesos nga gipahimutang sulod sa make-up kit. Samtang gitanggong sab sa kapolisan ang high-value taget nga pusher nga nadakpan sa buy-bust operation sa Barangay Tipolo, Dakbayan sa Mandaue ug laing lima ka pusher ang nadakpan sa kapolisan sa Lapu-Lapu City Police Office.

Si Police Captain Marvin Fegarido, hepe sa Presinto 2 sa Mandaue City Police Office, niila sa nadakpan sa may dalan Basubas, Tipolo nga si Louie Pahid, 35, taga Hipodromo, Dakbayan sa Sugbo.

Matud ni Fegarido nga si Pahid ilang nasakmitan og 50 ka gagmay nga pakete sa shabu nga nagkantidad og P30,000.

Samtang ang LLCPO nga gipangulohan sa ilang direktor nga si Police Colonel Clarito Baja ang nakasikop usab og lima ka pusher.

Ang hepe sa City Intelligence Branch (CIB) ug City Drug Enforcement Unit (CDEU) sa LLCPO, Police Lieutenant Colonel Mark Gifter Sucalit, niila sa ilang dinakpan sa Barangay Pajac nga sila si Adrian Gigante Inso, 37; Richard Alinsonorin Geraldez, 35, taga Dakit, Dakbayan sa Bogo ug Johnniver Martinez Canlas, 25, taga Sitio Ibabao, Agus.

Nakuha sa kapolisan gikan sa mga dinakpan ang walo ka gagmay nga pakete sa shabu nga kantidad og P10,744.

Laing nadakpan sa kapolisan sa LLCPO mao sila si Noli Gonzales Sostino, 40, taga Sta Cruz, San Francisco, ug Merson Cepeda Cebreros, 25, taga Buaya, Dakbayan sa Lapu-Lapu kinsa nakuhaan og 16 ka dagkung pakete sa shabu nga nagkantidad og P447,440. –/GMR (BANAT NEWS)

PHILIP CHRISTIAN MENDOZA ROMAR BANGCAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with