Sa pamahayag sa Department of Health nga gibasa ni Medical Officer III, Dr. Van Phillip Baton, giingong stable na ang kahimtang sa bata kinsa wala nay hilanat, ubo ug ubang senyales ug sintomas nga malambigit sa virus.
STR/AFP
5-anyos nga Intsik ‘stable’ na
Decemay P. Padilla (Banat) - January 24, 2020 - 12:00am

CEBU, Philippines — Hayan makagawas na unya sa tambalanan kadtong 5-anyos nga batang lalake nga gikan sa Wuhan, China kun padayon kining mag-negatibo sa non-specific coronavirus.

Sa pamahayag sa Department of Health nga gibasa ni Medical Officer III, Dr. Van Phillip Baton, giingong stable na ang kahimtang sa bata kinsa wala nay hilanat, ubo ug ubang senyales ug sintomas nga malambigit sa virus.

Ila pa hinoon gipaabot ang resulta sa ikatulo ug katapusang swab test nga ilang gipadala sa Research Institute for Tropical Medicine (RITM).

Gawas niini, nag-negatibo sab sa test ang inahan sa bata.

Gitug-an ni Baton nga ilang nasubay ang mao nga bata human kini gidala sa iyang inahan sa usa ka pribadong tambalanan.

Wala ma-detect sa thermal scanner sa tugpahanan ang bata, human nga wala pa kini makasinati og hilanat dihang niabot sa Sugbo.

Subay niini, giklaro sa ahensiya nga wala pay kaso sa 2019 Novel Coronavirus (nCOV) ang Sugbo ug nagpaabot pa sila sa resulta sa sample nga ilang gipadala sa Australia aron pagsuta kun unsa nga strain sa Coronavirus ang nitakboy sa bata.

Samtang si Dr. Shelbay Blanco sa DOH-7 nipahibawo nga ila na nga gipaubos sa code white alert ang tanang tambalanan nga ubos sa ahensiya sukad pa niadtong Enero 21.

Gawas niini, giawhag sab niya ang ubang district hospitals nga gipadagan sa mga lokal nga kagamhanan sa pagdeklarar usab og code white.

Giklaro sab nila nga wala pa niabot sa state of panic ang Sugbo apan naalarma lang ang mga tawo gumikan sab niining mga gipang-share sa social media hinungdan nga awhag nila sa mga tawo nga dili magpataka og share ug adto motan-aw sa mga lehitimong page sama sa DOH labot sa update sa virus. /GMR (BANATNEWS)

CORONAVIRUS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with