Kapin sa P1 milyones shabu sakmit, 20 ka durugista sikop
Romeo T. Limpangog (Banat) - January 24, 2020 - 12:00am

CEBU, Philippines — Usa ka suspetsadong pusher og shabu ang nasikop sa City Intelligence Branch (CIB) sa Mandaue City Police Office (MCPO) kagahapon sa kadlawon diha sa Barangay Looc, Dakbayan sa Mandaue.

Si Police Lieutenant Colonel Franco Rudolf Oriol, hepe sa CIB niila sa suspetsado nga si Ricky Polancos, 39-anyos, taga dalan Villagonzalo, Dakbayan sa Sugbo. Giingong nasakmit sa kapolisan gikan kang Polancos ang shabu nga nikantidad tanan ngadto sa P1.2 milyones.

Sa laing bahin, 11 ka tawo nga giingong nalambigit sa drugas ang nasikop atol sa buy bust operation sa Lapu-Lapu City Police Office niadtong adlaw nga Martes ug Miyerkules ug nikabat tanan ngadto sa P160 mil ang kantidad sa shabu nga nasakmit.

Nasikop sa grupo ni Police Lieutenant  Colonel  Mark Gifter  Sucalit  diha sa Sitio  Tugas  sa Barangay  Gun-ob  sa  Dakbayan   sa Lapu_Lapu si  Marlon Vallar, 42, taga Barangay Gun- ob; Carla Monzon, 37, taga Punta Rizal, Barangay Pajo; ug  Ally Tumulak, 45, taga Barangay  Gun-ob  sa maong  dakbayan.

Nasikop sa laing team sa LLCPO sila si  Anita Paul Pedrano, 65, taga Barangay Tejero, Dakbayan sa Sugbo ug Analene Del Mar ug nasakmi gikan kanila ang 24  ka paketeng shabu.

Laing nadakpan sila si Gerry Gallway, 57, taga Barangay Tejero kinsa  naskmitan og  23 ka paketeng  shabu; Bobby Echivarre, 46, taga Barangay Carreta, Dakbayan sa Sugbo; Simplicio Dela Cerna, 36, taga Barangay Pajo kinsa nasakmitan og .9mm nga pistol nga puno sa mga bala ug usa ka medium size nga paketeng shabu; Rosel Avenido, 28.

Sa grupo ni  Police Major Jaime Tolentino   sa Presinto  5  nasikop si Rolando Castro, 39;  Dave Inoc, 22, taga  Cordova; ug Alberth Ambit, 22, taga Barangay Canjulao, sa Dakbayan   sa Lapu-Lapu.

Sa Dakbayan sa Sugbo nasikop si Jemboy Bitos, 22 niadtong Miyerkules sa hapon diha sa A. Lopez Street, Barangay Labangon.

Nasakmit gikan kang Bitos ang duha ka putos nga shabu nga nitimbang og 100 gramos nga nibalor og P680 mil ug usa ka unit sa cellphone.

Samtang sa Lungsod sa Minglanilla nasikop si Zeinav Gonzales Bahtajie ug si Rogelio Parami Cabañero alyas “Boss Hing” nga mga high value target.

Laing nasikop mao sila si Frandy Beriso Rayno; Erwin Randoy Mindo; Nestor Caparas Villafuerte ug kapuyo ni Bahtajie nga si Mary Kieth Amistoso, 22 anyos.

Nikabat sa 15 gramos nga nikantidad tanan sa P100 mil ang nasakmit gikan sa mga suspetsado. Rowena D. Capistrano ug Gabriel C. Bonjoc/BDB (BANATNEWS)

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with