Lapu-Lapu ug Cordova makasinati og brownout

CEBU, Philippines — Gipahibalo  sa  mga nagdumala   sa Mactan  Electric  Company   (MECO)   sa Dakbayan   sa Lapu-Lapu   ang halapad nga brownout nga  masinati tungod  sa pagahimuon nga load  transfer   sa ilang mga feeder.

Ug sa pagahimuon nga load balancing energization sa bag-o nila nga mga sub- transmission line sa ilang mga feeder.

Gikatakda nga mahitabo ang halapad nga brownout sa kabarangayan sa Dakbayan sa Lapu-Lapu sa tibuok  adlaw nga Domingo, Enero  26,  2020.

Sa maong adlaw ang mga lineman magpabarog usab kini og bag-o nga mga poste diin ang mga karaan nga poste ang ilisan paglikay sa mga kadaot o disgrasya.

Nunot  sa maong  kaugmaran nga pagahimuon walo  ka feeder ang maapektohan  hinungdan nga daghang dapit  sa dakbayan nga maapektohan sa brownout nga molungtad sulod sa 10 ka oras.  Ang brownout gikatakdang magsugod sa alas 6:00 sa buntag hangtud sa alas 4:00 sa hapon sa nahisgutang adlaw. Lakip nga maapektohan nga barangay gilangkuban sa Barangay Babag I, Barangay Ibabao sa Lungsod sa Cordova, Barangay Kalawisan, Basak, Gun-ob, Pajo, Poblacion, Buaya, Mactan, Bankal, Pajac, Marigondon, Subabasbas, Agus, Lungsod sa Cordova, Looc ug Barangay Pusok, Dakbayan  sa Lapu-Lapu. /BDB (FREEMAN)