Tulo ka opisyal giparelibohan
Sheriza Mae Uy (Banat) - January 24, 2020 - 12:00am

CEBU, Philippines — Gipaubos sa imbestigasyon ang tulo ka opisyal sa Police Regional Office-7 sa bag-ong hepe sa Philippine National Police human nga masakpi nga nagduwa og golf sulod sa oras sa tingtrabaho.

Giila ang maong mga polis nga sila Police Colonel Dennis Artil, hepe sa Regional Comptroller Division sa Police Regional Office 7, Police Lieutenant Richard Bad-ang hepe sa Finance Services ug si Police Lieutenant Glenn Mayam hepe sa Drugs Enforcement Unit Field Unit Visayas.

Matud ni CPNP Police Director General Archie Francisco Gamboa sa press conference niini didto sa kaulohan, ang tulo magduwa pirme og golf matag Martes ug Huwebes ug kung laayon manuwa usab og Miyerkules. Dugang pa ni Gamboa nga kadtong bag-o pa siya nilingkod isip Officer in Charge sa PNP nipasidaan na siyang daan ngadto sa mga polis nga dili magduwa og golf ilabi na sa oras sa tingrabaho.

Nasayran nga si Mayam ug Bad-ang gikatakda unta nga ma promote sa sunod nga ranggo isip full-pledge colonels, apan tungod sa maong kalapasan hayan maapektahan ang promosyon.

Si Gamboa mimando sa pagrelibo dayon sa katungdanan sa tulo ug ibutang sila sa Personnel Holding and Accounting Unit (PHAU) sa National Headquarters sa PNP sa Camp Crame samtang nagpadayon pa ang imbestigasyon sa kasong administratiba.

“I have ordered their reassignment to Personnel Holding ang Accounting Unit (PHAU) at National Headquarters while undergoing investigation for flagrant violation of specific directive,” matud pa ni Gamboa.

Mipasidaan sab si Gamboa kang Police Brigadier General Valeriano De Leon ang regional Director sa Police Regional Office 7 isip command responsibility niini.

“Strike 1 na si PRO7(de Leon),” dugang pa ni Gamboa.

Si De Leon sa iyang bahin nakasabot pamahayag sa ilang labaw ug sa gidangatan sa iyang tulo ka opisyales ug misaad nga sundon ang mga palisiya niini.

“They should face the investigation, they will be investigated,” matud pa ni De Leon

Wala pay kamandoan nga nadawat ang PRO7 kun kinsay mohulip sa tulo sa biyaan nilang buhatan. 

Nipahimango usab si Gamboa sa tanan nga Regional Director ug National Support Units nga pahinumdoman kanunay ilang mga sakop sa mga gipangdili ilabi na sa pagkalambigit sa drugas ug illegal nga sugal ug uban pa.

Giklaro ni Gamboa nga mamahimu gihapon nga maglingawlingaw ang mga polis sa adlaw lamang nga Sabado ug Domingo o kun dili oras tingtrabaho. /IBM (BANATNEWS)

GIPARELIBOHAN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with