22-anyos nga Russian gilugos
Sheriza Mae Uy (Banat) - January 24, 2020 - 12:00am

CEBU, Philippines — Usa ka 22-anyos nga dalagang Russian ang mireklamo sa kapolisan nga kini gilugos sa lalaking nitabang ug naghatud kaniya pabalik sa gipuy-an niining hotel sa usa ka resort sa Panglao, Bohol.

Matud ni Police Staff Sergeant Vicky Villaber sa Womens and Children Protections Desk (WCPD) sa Panglao Police Station nibakasyon ang maong langyaw diha sa ilang lungsod.

Dugang pa ni Villaber nga sayo nga miadto sa baybayon ang biktima diin kalit nga giduol sa wala mailhing lalaki nga namaligya og alahas ug mihaylo kaniya sa pagpalit niini.

Wala mopalit ang biktima apan nangutana nalang kung asa makapalit og tuwalya. Matud pa nga gitultolan usab dayon sa suspetsado ang biktima kun asa makapalit niini.

Tungod kay wala makadala og kwarta ang biktima ang suspek miboluntaryong siya nalang mobayad sa tualya.

Human niini, mibalik na sa hotel ang biktima apan nikuyog ang suspek kay ihatud siya niini. Sumala pa nga gidala sa suspek ang biktima sa awaaw nga dapit.

Pag-abot didto, gituok ang biktima ug pugsanong gipahigda sa kakahoyan hangtud nga nawagtangan kini og panimuot.

Pagmata sa biktima wala na kini gisul-ob nga bisag usa ka sapot hasta iyang cellphone. Maayo nalang nga dunay mga tawong nitabang ug midala kaniya sa presinto sa kapolisan.

Ang Panglao Police Station aduna nay gidudahang tawo nga karon ilaha nang gipangita.

Nasayran nga ang biktima usa ka magtutudlo nga nag base didto sa China ug mianhi lang sa Pilipinas aron mobakasyon hangtud unta sunod semana. /IBM (BANATNEWS)

RUSSIAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with