Ground breaking ceremony sa building nga tukoron sa NPC diha sa luna sa Kapitolyo gipahigayon kagahapon.
Hulagway kuha ni Rowena D. Capistrano
NPC magtukod og building diha sa luna sa Kapitolyo
Rowena D. Capistrano (Banat) - January 23, 2020 - 12:00am

CEBU, Philippines – Gihangop sa mga opisyal sa National Power Corporation (NPC) diin sulod karong tuiga mobarug na unya ang ilang buhatan ug warehouse diha sa luna nga gipanag-iya sa Probinsiya sa Sugbo.

Kini human gipahigayon ang groundbreaking ceremony sa NPC Small Power Utilities Group Visayas Operation Department Office and Warehouse nga nahimutang diha sa Sitio Sudlon, Barangay Lahug.

Kagahapon gipahigayon usab ang blessing nga gipangulohan ni Padre Roberto Ebisa, SVD ug paglunod sa capsule sa mga kadagkoan sa NPC SPUG uban sa representante ni Governor Gwendolyn Garcia ug mga opisyal sa barangay. Matud ni Atty. Melchor Ridulme, Vice President Legal sa NPC SPUG nga dako kaayo nilang kalipay sa kagamhanan sa Probinsiya sa Sugbo sa luna nga maoy tukoran sa ilang buhatan tungod kay sa pagkakaron nag-abang man sila sa ilang kasamtangan nga opisina.

Gibutyag ni Ridulme nga gipaabot nila nga mahuman ang construction sa maong building 300 ka adlaw gikan karon ug gibanabana nga moabot ang gasto niini ngadto sa P96 milyones.

Gilauman ni Ridulme nga sa sunod tuig dili na sila mag-abang ug magamit na unya nila ang bag-o nilang buhatan.

Ang maong kalihukan gitambongan usab kini sa mga nagkadaiyang ahensiya sa kagamhanan lakip niini ang kapolisan, Philippine Drug Enforcement Agency (PDEA)-7, Philippine Coast Guard ug MARINA. /BDB (BANAT NEWS)

NPC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with