Nanghulga bugti sa sex, nasikop
Sheriza Mae Uy (Banat) - January 22, 2020 - 12:00am

CEBU, Philippines — Usa ka criminology student ang gidakop pinaagi sa entrapment operation sa Regional Anti Cybercrime Unit (RACU7) sa dalan Colon Dakbayan sa Sugbo tungod sa pagpanghulgang ipakatap niini sa social media ang malaw-ay nga hulagway sa usa ka dalaga kun di kini makighilawas kaniya.

Giila ang dinakpan nga si Dexter Antonio nga taga Barangay Guadalupe Dakbayan sa Sugbo.

Matud ni Police Lieutenant Colonel Marlo Castillo hepe sa RACU7 nga nidangop ang biktima kanila human giingong gihulga siya ni Antonio pinaagi sa chat.

Matud pa nga naghimo og dummy account ang suspek ug nagpaila kini nga langyaw ngadto sa biktima hangtud nga nagsige na sila og chat dihay higayon nga nakapadala og hubo niya nga hulagway ang biktima ngadto sa suspek.

Sumala pa nga niabot sab sa punto nga gusto sa suspek nga magpadala og hubo nga video ang dalaga.

Sa tanto nilang pag chat, giingong nasipyat ang suspek kay nakaestorya kini og binisaya maong nagduda siya sa pagkatawo sa iyang ka chat.

Matud pa nga giagda sa suspek ang dalaga nga manulod og lodging house ug makighilawas kay kung di kini mosugot i-post niini ang hubo niyang hulagway diha sa social media.

Tungod niini, midangop sa kapolisan ang biktima hinungdan sa pagkasikop niini sud sa usa ka establisamento diin nakuhaan ang suspek og tulo ka condom.

Ang suspek mihimakak sa pasangil kay matud niya gikuyogan ra niya ang dalaga kay higala sila ug suod sa iyang kapuyo. Ang dalaga wala makatuo nga silingan ra niya ang suspek ug igsuon sa iyang kanhi uyab.

Adunay mga screenshots sa chat nga nakuha ang kapolisan sa duha nga maoy gipakita ngadto sa RACU7 aron sa pagpahigayon sa maong operasyon.

Kasong Grave Threats in Relation to 10175 kun Cybercrime Prevention Act of 2012 ug Republic Act 9995 kun Anti Photo and Video Voyeurism Act si Antonio. /IBM (BANATNEWS)

SEX
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with